• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:52:27
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

03 Qyrkúıek, 2019 Barlyq aımaqtar

Qasym-Jomart Toqaev Joldaýynda ult múddesi, til máselesine erekshe toqtaldy

Qýat ÁÝESBAI, «Túrkistan» halyqaralyq gazetiniń bas redaktory:

"Ult múddesi, til máselesine erekshe toqtaldy"

- Memleket basshysy Q.Toqaevtyń alǵashqy joldaýynan kóp úmit kútemiz. «Halyqqa bergen ýádemdi mindetti túrde oryndaımyn» degen Prezıdent qoǵamdaǵy qordalanǵan máselelerden habardar ekenin, olardy sheshý baǵytynda aýqymdy ister atqarylatynyn baıan etti. Bul Joldaýda áleýmettik máselelerge kóp basymdyq berilip otyr. Prezıdenttiń saılaýaldy baǵdarlamasynda da bul máselelerge erekshe toqtalǵan bolatyn. Jalpy aıtqanda, halyqtyń kókeıinde júrgen, alań týdyrǵan túıitkilderdi Memleket basshysy dóp basyp, olardyń aldaǵy ýaqytta mindetti túrde óz sheshimin tabatynyna ýáde etti. El senimin nyqtaı túsý úshin jyl sońynda atqarylǵan isterdiń qorytyndy esebi bolar dep úmittenemiz.
Prezıdenttiń «Qazaq halqynyń memleket quraýshy ult retindegi rólin bekemdep, etnosaralyq tatýlyq pen dinaralyq túsinistikti qalyptastyra berýimiz qajet» degen sózi kóp kókeıinen shyǵýda. Sondaı-aq, «qazaq tiliniń memlekettik til retindegi róli kúsheıip, ultaralyq qatynas tiline aınalatyn kezeńi keledi» deı kele, tek mundaı názik máselede dańǵaza jasamaı, jumyla jumys isteýimiz kerek ekenin eskertti. Sol sııaqty jerimizdiń sheteldikterge eshqashan satylmaıtyny týraly pikiri de kópten beri eldi eleńdetip qoıǵan máselege núkte qoıǵandaı boldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir