• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:35:09
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

03 Qyrkúıek, 2019 Aımaqtar

Qordaılyqtar Elbasy kitaphanasynyń kóshpeli ekskýrsııasyna qatysty

Búgin Qordaı aýdany Áljan ana aýylynyń Mádenıet úıinde Qazaqstan Respýblıkasy Tuńǵysh Prezıdenti – Elbasy kitaphanasynyń kóshpeli ekskýrsııasy ótti dep jazady Qamshy.kz aqparat agenttigi. 

Onyń shymyldyǵyn ashqan Elbasy kitaphanasynyń dırektory, saıası ǵylymdardyń doktory, professor Ámirhan Rahymjanov jergilikti turǵyndardy «N. Nazarbaev: dáýir, tulǵa, qoǵam» kórme jobasymen qysqasha tanystyrdy:

– Elbasy kitaphanasynyń qyzmetkerleri «Tuńǵysh» ekskýrsııalyq konsepsııasynyń aıasynda sizderge arnap «Tarıhı tańdaý» ǵylymı-ekspozısııalyq jobasyna taqyryptyq ekskýrsııalar daıyndady. Sizderge arnaıy Elbasy Nursultan Ábishuly men táýelsiz Qazaqstannyń damý tarıhynan syr shertetin derekti fılmderdiń kórsetilimi ótedi. Aýdan turǵyndarynyń nazaryna Elbasy kitapahanasynyń mýzeı qory men Elbasynyń jeke arhıvinen jasaqtalǵan «Elbasy jáne jańarǵan Jambyl ólkesi» fotosýretter kórmesi de usynylyp otyr.

Is-sharaǵa Jambyl oblysy ákiminiń orynbasary Sulýshash Qurmanbekova da qatysty.

– Jambyl oblysyna jol tartyp kelgen kórme jobasy sırek kezdesetin, qundy jádigerlerin áýeli aýdan turǵyndarynyń nazaryna usynyp otyr. Bul bastamanyń jergilikti halyqqa degen qurmettiń belgisi ekeni sózsiz. Ony tamashalaýǵa jınalǵan azamattar úshin mundaı syı – úlken abyroı. Ult tarıhyn qasterleıtin jandar eldiń erteńin de oılaıdy. Sol sebepti sizder men bizderdiń Máńgilik el tizginin ustaýdy paryz sanaýymyz oryndy, - dedi ol. О́z sózinde ákim orynbasary Elbasy kitaphanasynyń ujymyna alǵys bildirip, qyzmetine sáttilik tiledi.

Elbasy kitaphanasynyń dırektory Ámirhan Rahymjanov Qordaı aýdany ákiminiń orynbasary B.Jamangózovke alǵys hat pen «N.Nazarbaev. О́mirbaıan», «Nazarbaev modeli» kitaptaryn tabystap, Mádenıet úıiniń kitaphanasyna qundy basylymdardyń jınaǵyn tartý etti.

«Tarıhı tańdaý. Bastaý», «Tarıhı tańdaý. О́rleý», «Qazaqstannyń sporttyq dańqy» taqyryptyq ekskýrsııalary «Tuńǵysh» ekskýrsııalyq konsepsııasyna negizdeledi. Olardyń aıasynda Qordaı aýdanynyń turǵyndary sırek kezdesetin beınematerıaldardyń, fotosýretter men arhıv qujattarynyń, jádigerlerdiń biregeı keshenin tamashalady. Bul materıaldar kezinde QazKSR Mınıstrler keńesiniń tóraǵasy, Qazaqstan KP OK birinshi hatshysy, Joǵarǵy Keńes tóraǵasy bolǵan N.Á.Nazarbaevtyń eńbek jolyn komsomol-metallýrg kezinen bastap QR Tuńǵysh Prezıdenti atanǵan kezeńine deıin baıandaıdy. Kelýshiler otandyq jáne sheteldik sportshylardyń N.Á.Nazarbaevqa tartý etken syılyqtary men marapattarymen de tanysty.

Olardyń qatarynda bolǵan Araılym Qasymova ekskýrsııalardyń qundylyǵyn joǵary baǵalady:

– El táýelsizdigi negizin qalaǵan tulǵanyń dara joly kez kelgen qyrynan mańyzdy oqıǵalar men parasatty sheshimderge toly. Muny beıneleıtin

búgingi kórme ótkenge saıahat jasap, kópke málim bola bermeıtin derekterdi usynady. Mektep muǵalimi retinde biregeı qujattardyń, beınematerıaldar men sýretterdiń arqasynda bilimin tolyqtyrǵan oqýshylarym úshin rızamyn. Shalǵaı jerdiń turǵyndaryna degen bul qamqorlyqqa alǵysymyz mol, - dep bólisti ol.

Atalmysh ekskýrsııalarmen Shý aýdanynyń turǵyndary 4 qyrkúıekte, saǵat 11.00. -de tanysa alady. Is-shara Shý qalasynyń S.Seıfýllın atyndaǵy orta mektebinde uıymdastyrylady.

Kóshpeli ekskýrsııalar Elbasy kitaphanasy kórme jobasynyń aıasynda uıymdastyrylady. Aýqymdy joba ǵylymı-bilim berý, mádenı-aǵartýshylyq is-sharalardy qamtıdy. Táýelsiz Qazaqstannyń qalyptasý tarıhyndaǵy Elbasynyń sheshýshi rólin júıeli baıandaıtyn «N. Nazarbaev: dáýir, tulǵa, qoǵam» qor kórmesi bul jobanyń eń mańyzdy is-sharasy bolyp otyr.

2017 jylǵy qarashadan bastaý alǵan «N. Nazarbaev: dáýir, tulǵa, qoǵam» kóshpeli kórme jobasymen Almaty, Shymkent qalalary men Almaty, Túrkistan, Atyraý, Aqtóbe, Qyzylorda oblystarynyń 900 myńǵa jýyq turǵyny tanysyp úlgerdi.

«N. Nazarbaev: dáýir, tulǵa, qoǵam» kórmesi Jambyl oblysynda 2019 jylǵy qazan aıynyń sońyna deıin jalǵaspaq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir