Jastar kóne tarıhı oryndarmen tanysty

Jambyl oblysynda «Uly dala eliniń kıeli murasy» atty tarıhı ekologııalyq aksııasy aıasynda «Meniń tarıhym, meniń halqym, meniń elim» atty jastar ekspedısııasy aıaqtaldy dep jazady Qamshy.kz aqparat agenttigi. 

Ekskýrsııa marshrýttyq josparǵa sáıkes eki baǵyt boıynsha ótkizilgen bolatyn. Birinshisi Taraz-Baızaq-Rysqulov-Shý-Qordaı-Merki aýdandaryn, ekinshisi Taraz-Jambyl-Jýaly-Talas-Baızaq-Merki aýdandaryn qamtydy. Qatysýshylar aldynda Jambyl oblysy ákimi apparatynyń Qoǵamdyq kelisim «Kommýnaldyq memlekettik mekemesiniń bas sarapshysy Albına Tapaeva sóz sóıledi. Sonymen birge, Jambyl oblysy ákimi apparaty «Qoǵamdyq kelisim» KMM basshysynyń orynbasary Sáýle Qurmanqulova ekspedısııa qatysýshylaryna sát sapar tiledi. «Jańǵyrý joly» ókilderine osy is-shara boıynsha tehnıka qaýipsizdigi sharalary júrgizildi.

Ekspedısııa qatysýshylary Tarazda arheologııalyq saıabaq pen «Kóne Taraz» keshenine bardy. Ekskýrsııadan keıin belgilengen nysan boıynsha qatysýshylar arasynda logıkalyq tapsyrmalary bar kvest-oıyndary ótkizildi. Birlesken ekskýrsııadan keıin qatysýshylar eki baǵyt boıynsha bólinip, jolǵa shyqty.

Birinshi top Aqyrtas keshenine, Qulan aýylyndaǵy, Shý jáne Qordaı qalasyndaǵy murajaılarǵa barsa, baǵdarlamanyń zııatkerlik jáne ekskýrsııalyq nysany boıynsha , "Jańǵyrý joly" jastar qozǵalysynyń jastary #Birge#TazaQazaqstan respýblıkalyq ekologııalyq aksııasyn qoldady . Balalar sapar barysynda atalǵan aýdandarda ekoaksııa ótkizdi. Aksııanyń mańyzdylyǵy - Qazaqstan jastaryn óz aımaqtarynyń tazalyǵyn saqtaýǵa shaqyrý. Kordaıda qatysýshylar kovorkıng-ortalyǵyna baryp, «100 jańa oqýlyq» jobasy aıasynda «Adamzattyń qysqasha tarıhy» jáne «Jasampaz jandardyń 7 daǵdysy» atty Stıven R. Kovıdiń eki kitabymen tanysty. Kordaı tarıhı-ólketaný murajaıynda balalar ekspozısııalary arqyly beıne-chellendjin túsirdi. Odan ári belgilengen baǵytqa sáıkes belsendiler "Qaraqońyz" memlekettik tabıǵı botanıkalyq qaýmalyna sapar shegip, QHA jastary Ile Alataýy jotasynyń batys bóliginiń biregeı ósimdikterimen tanysty. Ekinshi top birinshi kúni «Kóne Taraz» tarıhı-mádenı ortalyǵyna, Qarahan men Aısha bıbi kesenelerine jol tartyp, osy tarıhı oryndardyń tarıhy týraly maǵlumat aldy. Kúnniń ekinshi bóliginde ekspedısııaǵa qatysýshylar Baýyrjan Momyshuly murajaıynda ornalasqan eksponattarmen tanysyp, "Shaqpaq ata áýlıe" úńgirine baǵyttady. Ekspedısııanyń ekinshi kúninde qatysýshylar Talas aýdanyndaǵy Tamdy qalashyǵynyń jáne Berikqara shatqalynyń tarıhymen tanysty. Úsh kúndik ekspedısııa aıaqtalǵannan keıin qatysýshylarǵa sertıfıkattar men estelik syılyqtar tabys etildi.