• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:33:22
Qazaqstanda másele sheshilý úshin aldymen adam ólýi kerek

03 Qyrkúıek, 2019 Aımaqtar

"100 jańa esimmen" jyly júzdesý

Elbasy Nursultan Nazarbaevtyń «Qazaqstannyń 100 jańa esimi» jobasyn iske asyrýda Jambyl oblysynan 8 adam jeńimpaz atanǵan bolatyn. Sonyń biri, ári biregeıi Seıdazımov Sembek Ábetaıuly edi. Osyǵan oraı, Taraz qalasynyń «Dostyq» úıinde «Aqparat tolqyny» alańshasynda «Rýhanı jańǵyrý» baǵdarlamasy aıasynda Jambyl oblysy Qazaqstan halqy assambleıasy etnomádenı birlestikter jastarynyń «100 jańa esim» jobasynyń jeńimpazy, mesenat, oblystyń qoǵam qaıratkeri – Sembek Ábetaıulymen kezdesý ótti dep jazady Qamshy.kz aqparat agenttigi. 

Is-sharanyń moderatory Jambyl oblysy ákimi apparaty «Qoǵamdyq kelisim» KMM Baspasóz ortalyǵynyń baspasóz-hatshysy Bıbigúl Ýtepova kesh qonaǵymen kezdesýdi belsendi jastardy jumyldyra suhbat túrinde ótkizip otyrdy.

О́tkizilgen is-sharanyń maqsaty ulttyq qundylyqtardy saqtaý, jas qazaqstandyqtardy mádenı, qoǵamı aǵartý jaqtaryn tárbıelik nysanǵa alý, qazaqstandyq biregeılik pen qoǵamdyq kelisimdi qalyptastyrý bolyp kózdeldi. Kezdesýge qatysqan oblystyq assambleıanyń «Jańǵyrý joly» jastar qozǵalysy men «Aq jelken» jastar lıgasy, Analar men aqsaqaldar keńesi, etnomádenı birlestikter ókilderimen qosa oblystyq, qalalyq BAQ tilshileri de Assambleıa uıymdastyrǵan is-sharadan qalys qalmady.

Sembek Seıdazımov QHA jastarymen kezdesý barysynda óziniń ómirde qoly jetken jetistikterimen bólise otyryp, eliniń súıikti azamatyna aınalýyna neniń sebep bolǵany jóninde syr shertti. Bedeldi azamat degen ataq-dárejege jetip, eliniń eleýlisi, halqynyń qalaýlysy bolý úshin bar bolǵany – óz Otanynyń keleshekte kórkeıip gúldenetinine tolyq senimniń bolyp, jáne de sol Otandy damytý jolynda aıanbaı eńbek etýdi bolashaq urpaqqa úlgi tutty. О́zi túlep ushqan kıeli Jambyl topyraǵyna aıanbaı eńbek sińirip, talaı qaıyrymdy isterge uıytqy bolyp júrgen nar tulǵanyń elimiz egemendik alǵannan bastap oblys úshin atqarǵan ıgi isteri eren ekenine taǵy bir kóz jetkizdik.

Erkin suhbat alańyna aınalǵan kezdesý barysynda jastar keshtiń qurmetti qonaǵyna ózderin qyzyqtyrǵan saýaldaryn qoıyp jatty. Ár suraqqa asa muqııattylyqpen jaýap bergen Sembek Ábetaıuly ómirlik tájirıbesinen túrli mysaldar keltire otyryp, Jambyl oblysynyń qoǵamdyq jáne áleýmettik damý jolynda nendeı is-sharalarǵa atsalysqany týrasynda da óz oıyn ortaǵa saldy.

El syılaǵan qoǵam qaıratkeriniń jastarmen arnaıylap altyn ýaqytyn bólip, kezdesýge kelip, «100 jańa esim» jobasynyń ıegeri bolý dárejesine jetý jolynda tyń dúnıelermen bóliskeni úshin oblys ákimi apparaty «Qoǵamdyq kelisim» KMM basshysy Rano Ýbaıdýllaeva alǵys aıtyp,

Assambleıa atynan estelik syılyq pen alǵys hat tabystady. Kesh estelik sýretke túsýmen aıaqtaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir