Etnomádenı birlestikter birligin tanytýda

«Mektepke jol» respýblıkalyq aksııasy sońǵy besjyldyqtyń bederinde eń aýqymdy aksııalardyń biri bolǵany daýsyz. Jańa oqý jyly maýsymynda joba arqyly talaı bala qýanyshqa kenelýde. Bul baǵyttaǵy jumystar Jambyl oblysynda da kópke úlgi bolarlyq dep jazady Qamshy.kz aqparat agenttigi. 

Bul bastamaǵa búginde óńirde etomádenı birlestikter de aıryqsha úles qosýda. Osy oraıda Taraza qalasyndaǵy «Dostyq úıinde» uıǵyr etnosynyń birinshi synyp oqýshylary «Jambyl oblysy boıynsha Mahmut Qashqarı atyndaǵy uıǵyr etnomádenı birlestigi» qoǵamdyq birlestiginiń jetekshisi jáne atalǵan is-sharanyń uıymdastyrýshysy Mýhabat Týrdyeva hanymmen kezdesti.

Mýhabat Abdrahmanqyzy balalar men olardyń ata-analaryn jańa oqý jylynyń bastalýymen quttyqtady:

- «Búldirshinder, sizder úshin "mektep"atty jańa jol ashylǵaly tur. Siz úshin bul jol qyzyqqa jáne taǵylymǵa toly bolsyn. Sizder tek qana jaqsy baǵalarmen ǵana emes, sonymen qatar uqyptylyqtaryńyzben myna bizderdi qýantady dep senemin! Aq jol tileımin sizderge!, -dedi M.Týrdyeva.

Odan ári oqýshylarǵa «Dostyq úıi» ǵımaratynyń ishinde jáne Mahmut Qashqarı atyndaǵy uıǵyr etnomádenı birlestiginiń murajaıy boıynsha tanymdyq ekskýrsııa júrgizildi. Muhabat Abdrahmanqyzy balalarǵa olardyń mádenı murasy men ondaǵy eksponattary týraly tolyq aıtyp berdi. Balalar aıtylǵan áńgimelerge úlken qyzyǵýshylyq tanytyp, suraqtaryn qoıdy.

Kezdesý sońynda balalarǵa alǵys hat pen mektepke qajetti qural-jabdyqtar salynǵan sómke tabys etildi. Aıta ketý kerek, Mýhabat Abdrahmanqyzy úshin bul dástúrge endi. Jyl saıyn ol birinshi synyp oqýshylaryn syılyqtarmen mektep atty kemege shyǵaryp salady.

Osylaısha etnomádenı birlestikter «Mektepke jol» aksııasyna ózindik únderin qosýda.

Bul árıne kópke úlgi bolarlyq dúnıe. Taǵy bir aıta keterligi, búginde jambyl oblysyndaǵy etomádenı birlestikter túrli qaıyrymdylyq sharalarǵa da uıytqy bolýda. Onyń qatarynda jalyndy jastar da múmkindigi shekteýli, kópbalaly otbasylarǵa metrıaldyq jáne rýhanı qamqorlyq kórsetýde. Sondaı-aq ár etnomádenı birlestik aıtýly merekelerde balǵyndarǵa túrli meziretten tartý jasaýda. Bul da bolsa Áýlıeatadaǵy ulttar men ulystardyń tatýlyǵyn tanytyp turǵany anyq.