• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:05:41
Shashyrap júrgen qazaqty búgin kóshirip almasaq, erteń joǵaltyp alýymyz múmkin

03 Qyrkúıek, 2019 Aımaqtar

Ult pen ulystar aıtýly kúndi ulyqtady

Memleket basshysy Qasym-Jomart Toqaev apta basyndaǵy Joldaýynda elimizdegi basty qundylyqtardyń biri – ulttar dostyǵy ekenin basa aıtqany belgili. Al Jambyl óńirinde ulystardyń yntymaǵy kópke úlgi ekeni baıyrdan belgili. Sonyń anyq aıǵaǵy retinde Taraz qalasynyń Dostyq úıinde oblystyq QHA Analar men aqsaqaldar keńesiniń etnomádenı birlestik jastarymen «Elimniń erkindigi – Ata Zańym» atty kezdesýi ótti dep jazady Qamshy.kz aqparat agenttigi. 

Oblystyq Qazaqstan halqy Assambleıasy men oblys ákimi apparatynyń «Qoǵamdyq kelisim» mekemesi uıymdastyrǵan sharaǵa etnomádenı birlestikteriniń ókilderi, «Jańǵyrý joly» jastar qozǵalysy jáne oblystyq jáne qalalyq BAQ ókilderi qatysty.

Jıyndy oblys ákimi apparatynyń «Qoǵamdyq kelisim» KMM basshysy Rano Ýbaıdýllaeva ashyp, kún tártibindegi máselelerge toqtalyp ótti.

Budan keıin QHA Analar keńesiniń tóraıymy, «Jambyl oblysynyń ózbek etnomádenı birlestigi» qoǵamdyq birlestiginiń basqarma múshesi Mýhabbat Mırajapova «Qazaqstan Respýblıkasynyń Konstıtýsııasy - erkindik, teńdik jáne bostandyq murattaryn ustaný» taqyrybynda baıandama jasap, Konstıtýsııamyzdyń erekshe tustaryn atap ótti. Kelesi kezekte «Ahyska» túrik etnomádenı ortalyǵy» qoǵamdyq birlestiginiń Jambyl oblystyq fılıaly» tóraǵasynyń orynbasary Ibragım Zýfarov Ata zańymyz – Konstıtýsııanyń bizdiń ómirimizdegi mańyzdylyǵy jóninde óz oıyn ortaǵa salyp, Qazaqstan konstıtýsııasyna sáıkes qazaqstandyqtardyń ultyna, tiline, dinine shekteý qoıylmaı, quqyqtary teń dárejede qaralatyndyǵy, kez-kelgen Qazaqstandaǵy etnos óz salt-dástúrlerin ustanýǵa, kópshilik nazaryna usynýǵa quqyly ekenin aıtty. «Jáne árbir qazaqstandyq azamat Konstıtýsııada kórsetilgen zańǵa sáıkes áreket etse, Qazaqstannyń bolashaǵy jarqyn bolary anyq. «Ahyska» etnomádenı birlestigi elimizdiń Ata zańyna tolyq arqa súıep, medet tutamyz» - dep sózin túıindedi.

Jıyn sońynda Jambyl oblysy ákimi apparatynyń «Qoǵamdyq kelisim» KMM basshysy Rano Mahsudqyzy is-sharaǵa qatysqan etnomádenı birlestikterdiń aǵa býyny men jastaryn Konstıtýsııa kúnimen quttyqtady.

Osylaısha áýlıeatalyq etnos ókilderi aıtýly merekege aıryqsha ózindik únin qosty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir