Zamanaýı medıa – zaman talaby

Azııanyń júregi, toǵyz joldyń torabyndaǵy qazaq jerinde etnıkaaralyq kelisim men ózara syılastyqty, toleranttylyqty qalyptastyrǵan, túrli mádenıetter men órkenıetterdiń beıbit tirshilik keshýiniń baı, tarıhı tájirıbesi jınaqtalǵan. Al osy ishki turaqtylyqqa negiz bolyp otyrǵan tatýlyqty saqtap qalý – óskeleń urpaqtyń mindeti. Aıtar ulaǵatyn ónege qylyp kórsetken halqymyz bul esti eskertýdi jastarǵa endi qalaı jetkizedi? О́ńirlik Qazaqstan halqy Assambleıasynyń qoldaýymen oblys ákimi apparatynyń «Qoǵamdyq kelisim» mekemesi «Zamanaýı medıa mádenıet keńistigindegi etnıkalyq ımıdj» taqyrybynda pikirtalas alańdaryn uıymdastyryp, kókeıdegi kóp suraqqa jaýap izdedi dep jazady Qamshy.kz aqparat agenttigi. 

Qazaqstandyq biregeılikti, sondaı-aq rýhanı-adamgershilik qundylyqtardy qalyptastyrýdy, jastarǵa otanshyldyq pen azamattyqqa tárbıeleýdi kózdegen shara on aýdanda jáne Taraz qalasynda ótkizildi. Pikirtalas alańdaryna etnomádenı birlestikterdiń ókilderi, Analar keńesi jáne ǵylymı-saraptamalyq toptyń músheleri, aımaqtyq etnomádenı birlestikterdiń jastary jáne oblystyq, qalalyq, aýdandyq BAQ ókilderi shaqyrtyldy. Uıymdastyrýshylar bul shara aımaqtaǵy seksennen astam etnostyń mádenıeti, órkenıeti, ádebıeti, tili, dili syndy ulttyq qundylyqtaryn jandandyra túsedi deıdi. Sebebi ashyq dıalog alańynda osy máselelerdiń sheshý, damytý joldary qarastyrylyp, túrli usynystardyń jaı-japsary talqylanýda. Ár etnostyń ókilderi óz salt-dástúrleri týraly saýalnama toltyryp, usynystar jasaý arqyly da bul jobaǵa belsendi túrde atsalysýda.

«Bul sharany qolǵa alǵandaǵy maqsatymyz – ártúrli ulttardyń dástúrleriniń erekshelikterin, ásirese Qazaqstan halqy Assambleıasynyń biriktirýshi mıssııasynyń mańyzdylyǵyn talqylaý. Elbasymyz Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasynda ulttyq kod, ulttyq mádenıetti saqtap qalý kerektigi týraly anyq aıtylǵan. Biz de osy baǵytta tıisti jumystar atqarýdamyz. Elimizdi mekendegen barsha etnostyń mádenıetin tıisinshe keleshektiń sanasyna sińirsek deımiz», - dedi jobanyń jetekshisi, atalǵan mekemeniń bas sarapshysy Albına Maratqyzy.