• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:20:27
Qazaqstanda másele sheshilý úshin aldymen adam ólý kerek

03 Qyrkúıek, 2019 Aımaqtar

Jambyldyq jalyndy jastar bas qosty

Oblys ákimi apparatynyń «Qoǵamdyq kelisim» mekemesiniń uıymdastyrýymen Merki aýdanyndaǵy «Turan» demalys ortalyǵynda «Jastar shaqyrady» atty forým ótti. Daryndy jastardyń shyǵarmashylyǵyn anyqtaýǵa, qoldaýǵa jáne kótermeleýge, qazaqstandyqtardyń jas býynyn mádenı-rýhanı tárbıeleýge, qazaqstandyq biregeılikti, qoǵamdyq kelisimdi qalyptastyrýǵa jáne memlekettik tildi oqytý arqyly halyqtyń birligin nyǵaıtýǵa baǵyttalǵan úsh kúndik forým jastar jadynda erekshe sharalarmen qaldy dep jazady Qamshy.kz aqparat agenttigi. 

Úsh kún ishinde jastarǵa túrli oıyn saýyqtyq baǵdarlamalar uıymdastyrylyp, qatysýshylar arasynda tanystyq, dostyq qatynasy ornady.

Shynynda da jastardyń demalysy qyzyqty sátterge toly boldy. Alǵashqy kúnnen-aq jospar boıynsha belgilengen baǵdarlamalar jalyndaǵan jastardyń erekshe qyzyǵýshylyqtaryn oıatty. Árbir berilgen tapsyrmany bar ynta-jigerlerimen oryndap forýmǵa qatysýshylardyń árqaısysy jeke qyrlarynan tanyldy. Shildeniń aptap ystyǵy bolmasa da qolaıly aýa raıyna baılanysty forým jastaryna arnaıy júzýden «Lovı volný-2019» saıysy ótkizilip, júzgish júırikter de anyqtaldy.

Ekinshi kúni qatysýshylar Hasanova Dılnoza Bahadúrqyzynyń júrgizýimen «Pokolenıe Z» taqyrybynda semınar-trenıngke qatysyp, nátıjesinde bul býyn týraly qyzyqty aqparat aldy. Sonymen qatar trenıngte lektor jastarǵa baǵyt-baǵdar retinde aldaǵy on jyldyqta joǵary suranysqa ıe bolatyn jáne sol ýaqyt aralyǵynda qoǵamǵa paıdasy báseńdeıtin mamandyq túrlerin tilge tıek etti. Sondaı-aq «Qazaqtaný» baǵdarlamasy aıasynda ár etnos qyzdary arasynda qazaqtyń ulttyq taǵamy «Qýyrdaq» pisirýden sheberlik synyby ótkizildi. Al er balalarǵa joǵary sanatty aspaz káýap pisirýdiń jáne múshelep et bólshekteýdiń qyr-syrlaryn úıretti. Joǵaryda atap ótkenimizdeı forým jastardyń ıntellektýaldyq, mádenı deńgeıin arttyrýdy basty nazarǵa aldy. Osy oraıda kóshbasshy jastarǵa «Oratorskoe ıskýsstvo ı letorskoe masterstvo» taqyrybynda «Elim-aı Dostyq» qoǵamdyq birlestiginiń basshysy Kım Polına semınar-trenıng ótkizdi. Semınar trenıngte «Jańǵyrý joly» jastar qozǵalysynyń músheleri tórt topqa bólinip, ár top kóńil-kúı túrlerin (melanholııaly, sangvındik, ashýlanshaq, qyzba, t.b.) tanystyrý arqyly sózdik qorlarynyń keńdigin tanytty. Bul trenıng jastarǵa sheshendik ónerdi ıgerýdiń mańyzdylyǵyn ańǵartty. Kúndizgi ýaqyt jastardyń bilimderin arttyrýǵa jumsalsa, keshki mezgilde oı sergitý maqsatynda jastarǵa karaoke saıysy, bı jarystary jáne vıktorınalyq oıyndar oınatyldy. Forým barysynda jastar bos ýaqyttaryn tıimdi paıdalanyp, demalys ortalyǵynyń tamasha tabıǵatymen tanysyp, fotosesııa júrgizdi.

«Jastar shaqyrady» aımaqtyq forýmynyń jabylý saltanatynda konserttik baǵdarlamamen qosa oblys ákimi apparatynyń «Qoǵamdyq kelisim» KMM-niń basshysy Rano Ýbaıdýllaeva kóshbasshy jastarǵa sertıfıkat pen Qazaqstan halqy Assambleıasynyń logotıpi bar káde-syı tartý etti.

Atalmysh forým jastarǵa erekshe áser syılap, bilimderin keńeıtýge, jańa dostar tabýǵa, tamasha tabıǵattyń kýágeri bolýǵa, bos ýaqyttaryn tıimdi ótkizýge zor úlesin qosqany anyq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir