• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:00:19
Shashyrap júrgen qazaqty búgin kóshirip almasaq, erteń joǵaltyp alýymyz múmkin

03 Qyrkúıek, 2019 Aımaqtar

Tıimdi tehnologııany ıgerýdiń tetikteri úıretildi

Jambyl oblysy Sarysý aýdanynyń Jańatalap aýyldyq okrýgi, «Jantóre-Saýdakent» JShS-niń bazasynda «Kókónis jáne aralas egin sharýashylyǵyn tıimdi júrgizýdegi tájirıbesin oqý» atty semınar ótti dep jazady Qamshy.kz aqparat agenttigi. 

Atalmysh semınar «Atameken» AES-niń ortalyǵy, QR Aýyl sharýashylyq mınıstrligimen jáne Almaty oblysynyń jemis-jıdek daqyldary qaýymdastyǵymen birlestiginiń uıymdastyrýymen júzege asty.

Atalǵan is-sharanyń maqsaty – agroónerkásip kesheni sýbektilerin aqysyz jáne aqparattyq qoldaý. Semınar osy maqsatta júrgizilip, Jańatalap aýyldyq okrýginiń ákimi Nurhan Aqmaǵanbetovtiń tóraǵalyq etýimen bastaldy.

Jıynda aýdan ákiminiń orynbasary Oljas Kókeı «Jantóre-Saýdakent» jaýapkershiligi shekteýli seriktestiginde tamshylatyp sýarý tehnolgııasy, sonymen qatar mıneraldy tyńaıtqyshtar qoldaný men ósimdik qorǵaý quraldaryn tıimdi paıdalaný arqyly joǵary ári sapaly ónim alý úshin jasalyp jatqan agrotehnıkalyq sharalar týraly jınalǵandarǵa málimetter berdi.

Aýdan ákiminiń orynbasaryna aýylsharýashylyq ıelerinen jınalǵan birqatar azamattar suraqtaryn qoıyp, memleket tarapynan beriletin kómekterge qanyq boldy.

Sonan soń «Jantóre-Saýdakent» JShS-niń dırektory Medeý Shahanov 2015 jyldan beri atqarylǵan jumystary men ıntensıvti eginshilik túrin paıdalana otyryp jetken jetistikterimen bólisti. Tamshylatyp sýarý tehnologııasy men bazasyndaǵy aýyl sharýashylyǵy tehnıkalary, sý saqtaý basseındarymen tanystyrdy.

– Sharýashylyqtyń jalpy jer kólemi 203,1 ga, egilgen egistik kólemi 115 gektardy quraıdy. Kóp jyldyq jońyshqa 15 ga, tamshylatyp sýarý tehnologııasy qoldanylatyn egis túrleri. 2018 jyly egilgen jáne alynǵan ónim kólemi júgeri – 55 ga - 60 tonna, pııaz – 30 ga – 850 sentner, baqsha – 25 gektardy qurady. Aǵymdaǵy jyly sý únemdeý tehnologııasynyń egis alqabyna engizý kólemi aýdan boıynsha barlyǵy 100 gektarǵa jetti.

Aýyl sharýashylyǵy tehnıkalary jyl ótken saıyn jańara túsip keledi. Bul salystyrmaly túrde qaraǵanda úlken jetistik.

Jasyl tehnologııalardyń kómegi arqyly birinshiden ónim kólemi men sapasyn artsa, ekinshiden ýaqyt únemdeledi. Aqıqatynda sharýanyń jaz mezgilindegi ár kúni qys boıyna azyq bolary belgili .

Bıyl tamshylatyp sýarý ádisin qoldanǵandardyń jandary jaı taýyp, isteri ilgeri basýda.

Eshkim qolyna kúrek alyp burynǵydaı egis sýaryp júrgen joq. Buryn asa kóp kólemde paıdalanylatyn sý qazir aıtarlyqtaı únemdeldi.

Al osy jańa, energııa únemdeýshi tehnologııalardyń arqasynda birtalaı sharýalardyń shyǵyny anaǵurlym kemip, óndiretin ónim kólemi birneshe esege artty, – dedi sharýashylyq basshysy.

Sý únemdeý tehnologııasy boıynsha Jańatalap aýyldyq okrýginde «Jantóre-Saýdakent» JShS tamshylatyp sýarý tehnologııasyn paıdalana otyryp, dándik júgeri, pııaz jáne baqsha daqyldaryn ornalastyrǵandyǵy týraly da osy semınarda keńinen aıtyldy.

Sonymen qatar qazaq eginshilik jáne topyraqtaný ǵylymı zertteý ınstıtýtynan kelgen qonaqtar baıandamasy tyńdalyp, aýyldyq okrýgterden kelgen aýylsharýalyq ıelerine úlken sabaq boldy. Kóptegen qyzyqtyrǵan saýaldaryna tolyqqandy jaýaptar alyp, qajettilikterin bile aldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir