• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:15:24
Qazaqstanda másele sheshilý úshin aldymen adam ólý kerek

03 Qyrkúıek, 2019 Aımaqtar

Jambyldyq memqyzmetshiler "Túngi lıgada" baq synap jatyr

Aǵymdaǵy jyldyń ekinshi onkúndiginen bastap Qazaqstan Respýblıkasy memlekettik qyzmet isteri agenttiginiń Jambyl oblysy boıynsha departamenti men Jambyl oblysy ákimdiginiń dene shynyqtyrý jáne sport basqarmasynyń uıymdastyrýymen voleıboldan «TÚNGI LIGA» chempıonaty bastaý aldy.

Oıynnyń maqsaty, Jambyl oblysynyń memlekettik qyzmetshileri arasynda salaýatty ómir saltyn nasıhattaý, dene shynyqtyrý men sportpen shuǵyldanýǵa tartý, memlekettik qyzmetshiler arasynda dostyq qarym-qatynasty nyǵaıtý bolyp otyr. Sonymen qatar, negizgi maqsattardyń biri jasaqtalǵan komandalar arasynda úzdik oıynshylardy anyqtap respýblıkalyq jarystarǵa memlekettik qyzmetshilerdiń oblystyq quramasyn jasaqtap jiberý kózdelýde.

Sondaı-aq, ár memlekettik qyzmetshi ashyqtyqty qamtamasyz etý úshin buqaralyq aqparat quraldarynyń ókilderimen jáne úkimettik emes uıymdarmen tyǵyz qarym qatynasta júredi. Bul jaǵdaıdyda eskere otyryp BAQ ókilderinen quralǵan 1 komanda, úkimettik emes uıymdarynyń ókilderinen qurylǵan 1 komandany oıynǵa qatystyrylyp otyr. Budan bólek, Qazaqstan Respýblıkasy Prezıdentiniń janyndaǵy Memlekettik basqarý akademııasynyń Jambyl oblysy boıynsha fılıalynan 1 komanda qosyldy.

Voleıboldan «TÚNGI LIGA» chempıonatynda eki top bar.

Qazirgi kezde «A» tobynda ortalyq atqarýshy organdardyń aýmaqtyq bólimshelerinen, jergilikti atqarýshy (oblys ákimdigi basqarmalary) organdardan jáne BAQ quramasy, úkimettik emes uıymdardardyń quramasy, Akademııa fılıalynan quralǵan 22 komanda oıyn kórsetýde.

Al, «B» tobynda Taraz qalasy men aýdan ákimdikteri ózderine qarasty bólimderdiń ishinde uıymdastyryp ótkizetin bolady.

«Túngi lıga» chempıonaty ústimizdegi jyldyń 15 maýsymnan bastaý alyp, 2020 jyldyń maýsym aıyna deıin irikteý kezeńi jalǵasady. Kelesi jyldyń maýsym aıynda «A» jáne «B» toptarynan eń joǵarǵy upaı sanyn jınaǵan komandalar arasynda taǵy oıyn ótkiziletin bolady.

Jeńimpaz atanǵan komandaǵa memlekettik qyzmetshiler arasynda voleıboldan «TÚNGI LIGA» chempıony ataǵy beriledi. Júldeger komandalar tıisti dárejeli Kýboktar, medaldar men dıplomdarmen marapattalady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir