• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:09:27
Qazaqstanda másele sheshilý úshin aldymen adam ólýi kerek

03 Qyrkúıek, 2019 Aımaqtar

Jambyldyq jas memlekettik qyzmetshiler ant qabyldady

Taraz qalasy «Jeńis» saıabaǵyndaǵy «Erlik» memorıaldyq keshenindegi «Dańq» zalynda Qazaqstan Respýblıkasynyń Konstıtýsııasy kúni merekesine oraı memlekettik qyzmetke alǵash qabyldanǵan birqatar memlekettik qyzmetshiler ant qabyldady dep jazady Qamshy.kz aqparat agenttigi. 

Elge qyzmet etýdi maqsat tutqan olardyń qyzmetke alǵash kirisken kúnnen bastap, halyq aldynda ashyq bolýy, qalyń buqaranyń memlekettik qyzmetke degen senimin arttyrýy basty paryz. О́ziniń fýnksıonaldyq mindetterin minsiz oryndaý, qoǵamda sybaılas jemqorlyqqa qarsy mádenıetti qalyptastyrýda ózgege úlgi bolý sekildi kóptegen jaýapkershilikterdi júkteıtin memlekettik qyzmettiń mańyzdylyǵyn uǵyndyrý maqsat etilgen saltanatty sharany oblys ákiminiń birinshi orynbasary Bekbolat Orynbekov ashyp, quttyqtaý sóz sóıledi.

– Qurmetti áriptester, sizderdi QR Konstıtýsııasy merekesi qarsańyndaǵy ant qabyldaý rásimimen quttyqtaımyn. Sebebi, memlekettik qyzmettiń mańyzdylyǵy aıryqsha, ekinshiden Elbasymyz N.Á.Nazarbaevtyń «Qazaqstan–2050» Strategııasynda kásibı memlekettik apparat qurý úshin memlekettik qyzmetke qabyldaý men qyzmettik ósýde memlekettik qyzmetshilerdiń osy qyzmetke laıyqtylyǵyn eskerý, sybaılas jemqorlyqpen kúres júrgizý, quqyqbuzýshylyqty boldyrmaý, qoǵamda memlekettik qyzmettiń bedelin kóterý, halyq pen Otanǵa adal jáne taza, minsiz qyzmet etýi sekildi basym baǵyttar aıqyndalǵan. Sizder úlken jaýapty jumys atqarýǵa qadam basyp otyrsyzdar. Memlekettik qyzmettiń qazaqstandyq ozyq úlgisin qurýmen qatar, elimizde zań ústemdigin ornatý, jemqorlyqpen kúres júrgizý saıasatyn iske asyrý árbir memlekettik qyzmetshiniń basty mindeti. Sondyqtan biz sizderge memleket tarapynan, halyqtyń atynan artylǵan osyndaı jaýapkershilikti abyroımen atqarady degen úlken senimdemiz, – dedi.

Jıynda Memlekettik qyzmet isteri agenttigi oblysy boıynsha departamentiniń basshysy Ravıl Tólebaev 24 jyldyń ishinde qabyldanǵan kóptegen jańa zańdar halyq ıgiligine qyzmet etip jatqanyna toqtaldy.

Saltanatty shara barysynda oblys ákimdiginiń basqaramasy men Taraz qalasy ákimdigi jáne birqatar aýdan ákimdiginiń bólimderine jańadan qyzmetke qabyldanǵan 10 qyzmetshi kópshilik aldynda ant berdi. Sonyń biri – Taraz qalasy ákimdiginiń turǵyn úı qatynastary bóliminiń bas mamany Maqsat Rahymbekuly.

О́z kezeginde ol ant qabyldaý rásimi úlken jaýapkershilikti sezindiretinin tilge tıek etip, aldaǵy ýaqytta memlekettiń múddesi úshin qyzmet etetinin, táýelsiz elimizdiń ósip-órkendeýi úshin bar kúsh-jigerin aıamaýǵa ant berip, Qazaqstannyń damýyna óz úlesin qosýdy paryzym sanaıtynyn aıtty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir