• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:13:33
Qazaqstanda másele sheshilý úshin aldymen adam ólý kerek

03 Qyrkúıek, 2019 Aımaqtar

Aýylda aqparattyq ortalyq ashyldy

Qazaqstan Respýblıkasynyń Konstıtýsııasy kúni merekesi qarsańynda Jambyl oblysy Jýaly aýdanynyń Báıterek aýylynda sıfrlandyrylǵan aqparattyq ortalyq ashyldy. Bul aqparattyq ortalyq aýyldyq kitaphananyń ishinde ornalasqan. Ortalyqty jabdyqtaýǵa bir mıllıon 300 myń teńge qarajat bólinip, oǵan tıisinshe, úsh kompıýter, bir ámbebep kóshirme quraly, ıntnernet jelisimen qamtylyp, taǵy basqa qajetti quraldar alynǵan dep jazady Qamshy.kz aqparat agenttigi. 

Sıfrlandyrylǵan aqparattyq ortalyqtyń ashylýy saltanatty jaǵdaıda ótip, oǵan aýdandyq ortalyqtandyrylǵan kitaphanalar júıesiniń basshylyǵy, aýyldardaǵy kitaphanashylar, sonymen birge aýyl turǵyndary qatysty. Aqparattyq ortalyqtyń ashylýynda aýdan ákiminiń orynbasary Erbol Jańabaev quttyqtaý sóz sóıledi.

– Qurmetti aýyl turǵyndary! Sizderdi eń aldymen aıtýly mereke – Qazaqstan Respýblıkasynyń Konstıtýsııasy kúnimen quttyqtaımyn. Ata Zańymyzdyń arqasynda elimizde kóptegen ıgilikti ister júzege asyrylyp keledi. Táýelsiz elimizdiń de ekonomıkasy ósip, halyqtyń turmysy men ál-aýqaty artýda. Memleket tarapynan qabyldanǵan baǵdarlamalar da óz jemisin berip otyrǵanyn basa aıtýǵa tıispiz. Mine, «Sıfrlyq Qazaqstan» baǵdarlamasy arqyly el óńirlerinde sıfrlandyrý úderisi qarqyndy júrýde. Shalǵaı aýyldarda ornalasqan kitaphanalarda sıfrlandyrylǵan aqparattyq ortalyqtardyń ashylýy – osynyń aıǵaǵy.

Byltyrǵy jyly aýdan kóleminde 11 aqparattyq ortalyq aýyl turǵyndaryna esigin aıqara ashsa, bıyl da tórt aqparattyq ortalyqty jabdyqtap, ashqaly otyrmyz. Oblys ákimi Asqar Myrzahmetovtyń arnaıy aqparattyq baza qalyptastyrý týraly tapsyrmasy bar. Osy rette aýyl turǵyndary bul ortalyqtyń múmkindikterin barynsha paıdalanýy tıis. Sonda ǵana turǵyndardyń sıfrlyq saýattylyǵy artatyn bolady. Sıfrlyq tehnologııalardy engizý – zaman talaby deıtin bolsaq, sıfrlandyrylǵan aqparattyq ortalyqtar aqparat almasýǵa úlken múmkindikter jasap otyr. Endeshe, turǵyndardyń ıgiligi artyp, elimizde beıbitshilik zaman bolsyn,- dedi Erbol Sákenuly.

Aýdan ákiminiń orynbasary Erbol Jańabaev, aýdan ákimdigi mádenıet jáne tilderdi damytý bóliminiń basshysy Saýytbek Mahambetov aqparattyq ortalyqtyń lentasyn qıdy. Al aýyl ájeleri táttiden shashý shashty. Odan soń aýdandyq ortalyqtandyrylǵan kitaphanalar júıesiniń dırektory Baqytkúl Qanaeva saltanatqa qatysýshylardy sıfrlandyrylǵan aqparattyq ortalyqtyń jumysymen jan-jaqty tanystyryp, kórsetiletin qyzmetter boıynsha aqparattar usyndy.

Aıta ketý kerek, osy kúni Bılikól aýyldyq okrýginiń Qarabastaý aýylynda da sıfrlandyrylǵan aqparattyq ortalyqtyń tusaýy kesildi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir