ShQO Úrjar aýdanyndaǵy joldarǵa jóndeý jumystary júrgizilýde

Bıylǵy jyly atalǵan avtokólik jolyn qaıta jańǵyrtý jumystaryn jalǵastyrý maqsatynda respýblıkalyq bıýdjetten 976 mln. 800 myń teńge qarjy bólinip, búgingi kúnge asfalt jamylǵysyn tóseý jumystary júrgizilýde. Bul týraly óńirlik kommýnıkasııaıalar qyzmetinde ótken brıfıngte Úrjar aýdanynyń ákimi Serik Zaınýldın aıtyp berdi.

 

– Byltyr respýblıkalyq mańyzy bar «Taldyqorǵan – Qalbata – О́skemen» avtokólik jolynyń 615-705 shaqyrymyna qaıta jańǵyrtý jumystary bastalyp aınalma jol jasaldy. Joba 2018-2021 jyldar aralyǵynda iske asyrylady, – dedi Serik Zaınýldın.

 

Oblystyq mańyzy bar «Maqanshy–Jalańashkól» avtokólik jolynyń 66-133 shaqyrymdaryn ortasha jóndeý jumystary júrgizilip, 67  shaqyrym avtokólik joly tolyqtaı jóndeýden ótti.  Sol sekildi, 2018 jyly oblystyq bıýdjet esebinen Úrjar aýylynyń 5 kóshesine ortasha jóndeý jumystaryna 100 mln teńge bólinip, aýdan ortalyǵyndaǵy 5 kóshege jóndeý jumystary júrgizildi.

 

– Jergilikti mańyzy bar avtokólik joldaryn aǵymdy jáne kútip ustaý jumystaryna bıylǵy jyly 236 mln 600 myń teńge kóleminde qarjy qarastyryldy. Josparǵa sáıkes, Úrjar aýdanynyń eldi mekenderindegi kóshe joldaryna aǵymdy jóndeý jumystary júrgizilýde. Sol sekildi, jergilikti mańyzy bar «Úrjar – Barqytbel», «Joǵarǵy Eginsý aýylynyń kireberisi» jáne «Kókterek – Qaıyndy – Qyzylbulaq» avtokólik joldaryna aǵymdy jóndeý jumystary júrgizildi, – dedi Serik Zaınýldın.