• USD 378.65
  • EUR 430.07
  • RUB 6
  • CNY 55.1
18 Qyrkúıek, 12:00:34
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

03 Qyrkúıek, 2019 Oqıǵalar

Jańaózendikter taǵy da bılikke narazylyq bildirip, alańǵa shyqty (vıdeo)

Narazy halyqpen sóılesýge Mańǵystaý oblysynyń ákimi Serikbaı Turymov kelgen.

Búgin, 3 qyrkúıekte Jańaózende bes júzge jýyq qala turǵyny alańǵa shyqty dep jazady Qamshy.kz aqparat agenttigi. Bul týraly Tengrinews.kz habarlady. Saıttyń jazýynsha, narazy halyqpen sóılesýge Mańǵystaý oblysynyń ákimi Serikbaı Turymov kelgen.

Turymov jınalǵandardyń talaptaryn tyńdap, turǵyndardy tolǵandyrǵan máseleler boıynsha jeke qabyldaýǵa shaqyrdy. Ol sondaı-aq, jınalǵandarǵa Qazaqstan jerinde Qytaı kásiporyndary men zaýyttary salynbaıtynyn aıtqan. 

Narazylar ózderimen sóılesýge "prezıdent Qasym-Jomart Toqaev kelsin" degen talap qoıyp jatyr.

Keshe, 2 qyrkúıekte Jańaózende 100-ge jýyq adam bıliktiń "Qazaqstan jerinde Qytaımen birigip  55 zaýyt salý" týraly sheshimine qarsylyq bildirip ákimdik mańyna jınalǵan. Ol el prezıdenti Qasym-Jomart Toqaevtan 11-12 qyrkúıekte Qytaıǵa josparlanǵan resmı saparynan bas tartýdy talap etti. 

30 tamyzda Nur-Sultanda da belsendilerdiń "Qytaı ekspansııasy men 51 zaýytyn salýǵa qarsy halyq quryltaıy" dep atalǵan jıyn ótken.

2019 jyldyń 19 naýryzyna deıin Qazaqstandy 30 jylǵa jýyq úzdiksiz bılegen Nursultan Nazarbaev 2019 jyly sáýirde Qytaı basylymdaryna bergen suhbatynda Qytaıdyń Qazaqstandaǵy 55 iri jobasynyń 15-i jumysyn bastaǵanyn, 11 nysan bıyl paıdalanýǵa beriletinin aıtqan.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir