03 Qyrkúıek, 2019 NEWS
Stýdentter jolaqysyna 20 teńge ǵana tóleıtin bolady
Nur-Sultan, Almaty, Aqtóbe, Petropavl qalalaryndaǵy stýdentter qoǵamdyq kólikte jolaqyǵa 20 teńge tóleıdi, dep habarlaıdy Qamshy.kz aqparat agenttigi Elorda Infoǵa silteme jasap.
Jolaqy jeńildigi SMS arqyly jáne "Meniń Beeline-ym" mobıldi qosymshasynda QR arqyly tólegende beriledi.
"Jańa oqý jylynyń qarsańynda biz stýdenttik tarıfti jańartýdy sheshtik. Qoǵamdyq kólikte on ret tegin júrý múmkindiginiń ornyna jolaqyny arzandattyq, endi jolaqy nebári 20 teńge. Ázirshe arnaıy baǵa tek tórt qalada bar, biraq jaqyn ýaqytta bul san eki ese kóbeıedi", – dep pikir bildirdi Beeline Qazaqstan ókili.
Nur-Sultan, Aqtóbe, Petropavl qalalarynda jolaqyny tóleý úshin avtobýs ishindegi japsyrmada kórsetilgen kólik kodyn 2505 qysqa nómirine SMS arqyly jiberý kerek. Nemese salondaǵy japsyrmada kórsetilgen QR-kodty "Meniń Beeline-ym" mobıldi qosymshasynda skanerleý qajet. Al Almatyda OŃAI termınalynyń ekranynda kórsetilgen alty mándi kodty 9909 nómirine jiberý kerek. Jaýap retinde SMS bılet keledi, ony tıisti jerińizge jetkenshe saqtaý qajet.
Nur-Sultan, Almaty qalalarynda jolaqyny barlyq avtobýs pen trolleıbýsta tóleýge bolady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir