Atyraý qalasynyń mańynda 102 shaqyrymnan asa jolǵa asfalt tóseledi

Oblys ortalyǵynyń negizgi kóshelerinde ǵana emes, qala mańyndaǵy selolyq okrýgterde de qurylys-montaj jumystary qarqyndy júrgizilýde. Atap aıtsaq, Aqsaı-2, Tasqala-3, Damba-2, Erkinqala-2 aýyldyq okrýgterinde jýyq arada jańa asfalt pen trotýarlar paıda bolady. О́zge aýdandardaǵy sekildi , munda da merdigerler jol tósemin tegistep, jıekterin jóndep, jaıaý júrginshilerge arnalǵan joldar jasaıdy.

– Qazirgi ýaqytta qala mańyndaǵy 20 kóshege – 14 shaqyrymnan astam jol tóseldi. Jumys áli de jalǵasýda, merdigerler aldyn-ala josparlanǵan ýchaskelerge jaıaý júrginshiler joldary men tratýarlarǵa asfalt tóseıdi, –deıdi qalalyq TKSh bóliminiń bas mamany Almas Sarsenov.