Atyraýda eki kúndik jármeńkede 10 tonna kókónis satyldy

30-31 tamyz kúnderi "Saraıshyq" kommýnaldyq bazarynda jáne "Munaıshy" stadıonynda jergilikti taýar óndirýshilerdiń dástúrli aýylsharýashylyq jármeńkesi ótti, – dep habarlaıdy Atyraý oblysynyń О́ńirlik kommýnıkasııalar qyzmeti.

Jármeńkede kókónister men jemister, jumyrtqa, bal, et jáne sút ónimderi satyldy. Sondaı-aq, jármeńkede jumyrtqany 23 teńgeden, kartopty 90 teńgeden, pııazdy 70 teńgeden alý múmkindigi boldy. Sharaǵa 27 jergilikti aýylsharýashylyq taýar óndirýshileri qatysty.

– Barlyǵy 52 tonna kókónis, 600 keli shoshqa eti men taýyq eti, 1 tonna sút jáne 50 keli shujyq ónimderi usynyldy. Kókónister men jemister suranysqa ıe boldy, – deıdi Atyraý qalalyq kásipkerlik jáne týrızm bóliminiń basshysy Rýslan Daýletov.