Jeńis Qasymbek áýe bıletteriniń nege qymbat ekenin aıtty

Premer-mınıstrdiń orynbasary Jeńis Qasymbek qazaqstandyq áýetasymaldaýshylar bıletteriniń baǵasy qymbat bolýynyń sebebin túsindirdi dep habarlaıdy Qamshy.kz aqparat agenttigi Tengrinews.kz saıtyna silteme jasap.

"Bıletterdiń joǵary qunynyń negizgi problemalary tasymaldaý syıymdylyqtarynyń tapshylyǵy jáne qolda bar suranysty qanaǵattandyrý úshin áýe kemeleriniń jetispeýshiligi bolyp tabylady", - dedi Qasymbek.

Ol tarıfterdiń qunyn tómendetý maqsatynda mamyr aıynda alǵashqy otandyq Fly Arystan loýkosteri iske qosylǵanyn eske salyp ótti. Áýekompanııa jyl sońyna deıin kúninen oryndalatyn reıster sanyn eki ese (14-ten 28-ge deıin) ulǵaıtýdy kózdep otyr.

"Úkimet "Samuryq-Qazyna "UÁQ" AQ-men birlesip áýe kemeleri parkin ulǵaıtý maqsatynda Air Astana jáne Qazaq Air avıakompanııalaryn qosymsha kapıtaldandyrý josparlanǵan. Sondaı-aq, qazaqstandyq munaı óńdeý zaýyttaryn jańǵyrtýdy aıaqtaýdy eskere otyryp, avıa otynynyń baǵasyn tómendetý boıynsha jumystar jalǵastyrylatyn bolady", - dep ýáde berdi vıse-premer.

Ol temir jol bıletteriniń tapshylyǵy men zańsyz deldaldyq ádisterdiń aldyn alý maqsatynda bıletterdi satýdy sıfrlandyrý júrgizilip jatqanyn, satý tártibin retteıtin norma engizilgenin atap ótti. Aıta keteıik, Prezıdent Qasym-Jomart Toqaev halyqqa Joldaýynda áýebıletteriniń baǵasy qymbat bolýyna shaǵymdandy.