QR premer-mınıstri Asqar Mamınniń tóraǵalyǵymen ótken QR Úkimetiniń otyrysynda Memleket basshysynyń "Syndarly qoǵamdyq dıalog - Qazaqstannyń turaqtylyǵy men órkendeýiniń negizi" Joldaýyn iske asyrý sharalary talqylandy dep habarlaıdy Qamshy.kz aqparat agenttigi Úkimet baspasóz qyzmetine silteme jasap.
Prezıdenttiń Qazaqstan halqyna Joldaýynyń bes basty baǵytyn oryndaý joldary týraly premer-mınıstrdiń birinshi orynbasary - QR qarjy mınıstri Álıhan Smaıylov, Úkimet basshysynyń orynbasarlary Jeńis Qasymbek pen Berdibek Saparbaev baıandady.
Úkimet basshysy Asqar Mamın Prezıdenttiń Joldaýyn iske asyrýdy tolyǵymen qarjylaı qamtamasyz etý sharalaryn qabyldaý qajettigin aıtty. "Prezıdent tapsyrmalaryn oryndaýǵa barlyq birinshi basshy derbes jaýapty ekenin nazarlaryńyzǵa salamyn.
Atap aıtaıyn, árbir tapsyrmasynyń oryndalýy qatań baqylaýǵa alynyp, oryndalýynyń naqty merzimi belgilenýi qajet. Biz qoıylǵan mindetterdi tıimdi sheshý boıynsha úılesimdi jumys júrgizýimiz kerek", - dedi Asqar Mamın.
Úkimet basshysy 7 qyrkúıekke deıin Memleket basshysynyń Joldaýynda qoıylǵan mindetterdi iske asyrýdyń Jalpyulttyq josparynyń jobasyn ázirleýdi tapsyrdy.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir