Qurandy orys tiline aýdarǵan asa tanymal reseılik kásibı aýdarmashy Valerııa Porohova qaıtys boldy dep habarlaıdy Qamshy.kz aqparat agenttigi. Bul qaraly habardy alǵashqylardyń biri bolyp, Rasýl Tavdırıakov esimdi bloger Facebook jelisinde jetkizdi dep jazady.
"Imam Valerııa Porohova qaıtys boldy. Reseılik kásibı aýdarmashy-sınhronıst jáne musylman qoǵam qaıratkeri. Ol 12 basylym bolyp shyqqan Qurandy orys tiline aýdaryp, úlken tanymaldylyqqa ıe bolǵan edi" , - dep jazdy Tavrıdıakov paraqshasynda.
Qaraly habardy estigen jeli qoldanýshylary qaıǵyǵa ortaqtasa, marqumnyń otbasyna kóńil aıtty.
Aqparat kózderine súıensek, Porohovamen qoshtasý 4 qyrkúıek kúni Máskeýdiń Sobor meshitinde besin namazynan keıin ótedi. Marqumdy Máskeýdegi musylman zıratyna jerleıdi.
Pikir qaldyrý
pikir