• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:49:28
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

03 Qyrkúıek, 2019 NEWS

Joldaý – 2019. Baspana máselesi qalaı sheshiledi?

2019 jyldyń sońyna deıin baspana kezeginde turǵan adamdardyń biryńǵaı respýblıkalyq bazasy qosylady.

Memleket basshysynyń Qazaqstan halqyna Joldaýyn talqylaýǵa arnalǵan Úkimet otyrysynda QR Premer-Mınıstriniń orynbasary Jeńis Qasymbek 2019 jyldyń sońyna deıin baspana kezeginde turǵan adamdardyń biryńǵaı respýblıkalyq bazasy qosylatynyn aıtty, dep habarlaıdy Qamshy.kz aqparat agenttigi.

"Qazirgi tańda baspana alý úshin ákimdikterde 512 myńǵa jýyq adam kezekte tur. Kezekti biryńǵaı esepke alý tapsyrmasy aıasynda jyldyń sońyna deıin kezekte turǵan adamdardyń biryńǵaı respýblıkalyq bazasyn qosamyz", –   dedi ol.

Osy oraıda vıse-premer "Nurly jer" baǵdarlamasyn iske asyrý aıasynda turǵyn úı qandaı tártippen beriletindigin aıtty.

"Birinshiden kópbalaly otbasylarǵa aqysyz negizde jaldamaly turǵyn úı beriletin bolady. bul úshin 2025 jylǵa deıin 350 mlrd teńge bólinedi. Memleket basshysynyń tapsyrmasyna sáıkes Úkimet úsh jyldyń ishinde 30 myń páter bólý boıynsha sharalar qabyldaıtyn bolady. Ekinshiden, jyl saıyn 3 700 kezekte turǵan áleýmettik jaǵynan osal azamattarǵa satyp alýsyz jalǵa beriletin turǵyn úımen qamtamasyz etýge 32,8 mlrd teńge bólinedi. Úshinshiden, "Baqytty otbasy" baǵdarlamasy boıynsha kópbalaly otbasylarǵa, tolyq emes jáne múgedek balalary bar otbasylarǵa nesıe berýge 3 jyl ishinde "Turǵynúıqurylysjınaqbanki" arqyly 50 mlrd teńgeden bólinetin bolady", –  dedi Jeńis Qasymbek.

Sonymen qatar ol Memleket basshysynyń tapsyrmasyna sáıkes Úkimet  jyl saıyn 10 myń páter bólý boıynsha sharalar qabyldaıtyndyǵyn atap ótti.

inform.kz

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir