• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:15:32
Latyn álipbıine kóshý máseleleri semınar-keńeste sóz boldy

03 Qyrkúıek, 2019 NEWS

Prezıdent Joldaýyn iske asyrý jospary ázirlenedi

Joldaýdy iske asyrýǵa qajetti qarajat Parlament Májilisine engizilgen úsh jyldyq bıýdjet jobasynda qarastyrylady.

QR Prezıdenti Qasym-Jomart Toqaevtyń Qazaqstan halqyna Joldaýyn iske asyrý jospary ázirlenedi. Bul týraly QR Premer-Mınıstriniń birinshi orynbasary – Qarjy mınıstri Álıhan Smaıylov aıtty, dep habarlaıdy Qamshy.kz aqparat agenttigi QazAqparatqa silteme jasap.

"Shyǵyndardy ońtaılandyrý jáne aktıvterdi ınvestısııalyq basqarýdyń sapasyn jaqsartý maqsatynda Úkimetke biryńǵaı áleýmettik qor qurý jáne bir áleýmettik tólem engizý jolymen áleýmettik qamtamasyz etýdiń bıýdjetten tys júıesin shoǵyrlandyrý máselesin zerdeleý tapsyryldy. Sondaı-aq jergilikti bıýdjetterdi qalyptastyrýǵa halyqty naqty tarta otyryp, barlyq deńgeılerde bıýdjet prosesin uıymdastyrý qolǵa alynady", –  dedi ol Memleket basshysynyń Qazaqstan halqyna Joldaýyn talqylaýǵa arnalǵan Úkimet otyrysynda.

Birinshi vıse-premerdiń atap ótýinshe, aýdandyq, qalalyq jáne aýyldyq bılik deńgeıleri jergilikti mańyzy bar mindetterdi sheshýde ekonomıkalyq jaǵynan neǵurlym derbes bolýy úshin tıisti zańnamalyq aktiler qabyldanady.

"Jalpy, biz Joldaýda kórsetilgen tapsyrmalardy iske asyrý jáne oryndaý boıynsha tıisti is-qımyl josparyn ázirleıtin bolamyz. Prezıdent Joldaýyn iske asyrýǵa qajetti qarajat Parlament Májilisine engizilgen úsh jyldyq bıýdjet jobasynda qarastyrylady", – dedi Á.Smaıylov.



Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir