• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:06:45
Shashyrap júrgen qazaqty búgin kóshirip almasaq, erteń joǵaltyp alýymyz múmkin

02 Qyrkúıek, 2019 Aımaqtar

Memleket basshysynyń joldaýy - damýdyń dańǵyl jolyna bastaıdy

«Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty memleket basshysy Qasym-Jomart Toqaevtyń halyqqa Joldaýy Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń basshylyǵymen álemdegi bedeldi ári ornyqty memleketke aınalǵan elimizdiń Táýelsizdigin nyǵaıtyp, halqymyzdyń jaǵdaıyn jaqsartýdyń jańa sapaly kezeńiniń múmkindikteri jáne mindetteri aıqyndalyp otyr. 5 ınstıtýsıonaldyq reforma jáne Ult josparyn tolyq júzege asyrý qajettiligin kózdeıtin Joldaý Prezıdenttiń saılaý aldyndaǵy baǵdarlamasynyń negizi bolyp tabylady.

Saıası júıeniń «Kúshti Prezıdent - yqpaldy Parlament – esep beretin Úkimet» formýlasy memleket turaqtylyǵynyń negizi bolyp tabylatynyń atap kórsetken memleket basshysy azamattyq qoǵamdy qoldaý jáne nyǵaıtý qajettiligine toqtaldy. Osy maqsatta qurylǵan Qoǵamdyq senimniń ulttyq keńesi rotasııalyq qaǵıdatpen jumys jasaıtyn bolady. Partııa qurylysynyń prosesin jalǵastyrý jáne elimizdegi kóppartııalyq, saıası básekelestik jáne pikirler ustanymy saıası júıeniń turaqtylyǵy úshin óte mańyzdy ekendigine basa nazar aýdardy. Aldaǵy Parlament Májilisi jáne máslıhattar saılaýy elimizdegi kóppartııalyq júıeniń ary qaraı damýyna yqpal etetindigin atap kórsetti. Memlekettik organdar qyzmetindegi basymdyqtar qoǵamyq dıalog, ashyqtyq, azamattardyń muń – muqtajyn jyldam qabyldaý turǵyndarmen keri baılanystyń tıimdiligin arttyrady. Joldaýda damýdyń jańa kezeńindegi áleýmettik saladaǵy basymdyqtar aıqyndalǵan. Bilim berý sapasyn jaqsartý maqsatynda oqýshylardyń

qabiletin aıqyndap, kásibı baǵyt-baǵdar berý saıasatyn júrgizý óte ózekti. Joldaýda atap kórsetilgendeı, elimizde mamandar daıarlaýdyń otandyq júıesi naqty eńbek naryǵynan tys qalǵan. Onyń dáleli, orta mektepti aıaqtaǵan túlekter tehnıkalyq jáne kásiptik jáne joǵary oqý oryndaryna qabyldanbaı qalyp, jumyssyzdar jáne margınaldar qataryn kóbeıtýi búgingi kúnniń shyndyǵy. Saldarynan olardyń qylmystyq toptarǵa, ekstremıstik dinı aǵymdardyń yqpalyna túsip ketýi oryn alýda. Sondyqtan da, Joldaýda kórsetilgendeı, orta bilim berýdiń ulttyq standarty oqýshylarǵa kásibı baǵdar berý tıimdiligin qamtamasyz etýge baǵyttalýy tıis. Joldaýda aıtylǵan ózekti máseleniń biri - muǵalimder men oqytýshylardyń áleýmettik jaǵdaıy. Prezıdent tamyz konferensııasynda aldaǵy 4 jyl ishinde muǵalimderdiń eńbekaqysyn 2 ese arttyrýdy tapsyrǵan bolatyn. Kelesi jyldan bastap ustazdardyń jalaqysy 20 paıyzǵa ósetindigi búkil ustazdar qaýymy úshin úlken qoldaý dep sanaımyn. О́z kezeginde pedagogtar bolashaq urpaqtyń tárbıesi men bilim alýy úshin úlken jaýapkershilikpen qyzmet atqarýy tıis. 2020 jyl – Eriktiler jyly dep jarııalandy. Memleket basshysy atap aıtqandaı, jastardyń boıynda belsendi ómirlik ustanym daǵdylaryn qalyptastyrý arqyly azamattyq qoǵamdy nyǵaıtý bizdiń jumysymyzdyń mańyzdy quramdy bóligi bolyp tabylady. Syndarly qoǵamdyq dıalog – tatýlyq pen turaqtylyq negizi. Reformalaýdyń jańa kezeńine qadam basqan elimiz úshin Joldaýda aıqyndalǵan mindetterdi sapaly oryndaýǵa árbir azamat óz úlesin qosýy tıis. Prezıdent atap kórsetkendeı, osy maqsatta memlekettik organdardyń jumysty jedel atqaryp, naqty nátıjege qol jetkizýi talap etiledi. Tıisti reformanyń júzege asyrylýy úshin mekeme basshylaryna derbes jaýapkershilik júktelip, aımaqtardaǵy halyqtyń jaǵdaıy saýalnama negizinde naqty baǵalanýy Joldaýdyń syndarly qoǵamdyq dıalog – Qazaqstannyń turaqtylyǵy men órkendeýiniń negizi bolyp tabylatyndyǵyn dáleldep otyr. Halyqty tolǵandyratyn barlyq máselelerdiń sheshilýin kózdeıtin jańa Joldaý el taǵdyryna jany ashıtyn árbir azamatqa zor senim artady.

 

Orynbaeva Janar

Jambyl polıtehnıkalyq joǵary kolledjiniń dırektory,

Taraz qalalyq máslıhatynyń depýtaty

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir