• USD 378.65
  • EUR 430.07
  • RUB 6
  • CNY 55.1
18 Qyrkúıek, 07:46:39
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, qamshyńa jazshy», – deıdi ákem

02 Qyrkúıek, 2019 Aımaqtar

Sarysýlyqtar jeldiń qýatyn paıdaǵa jaratpaq

Jambyl oblysynda «jasyl ekonomıkaǵa» kóshý jumystary qarqyndy júrýde. Nátıjesinde Áýlıeata aımaǵy elimizdegi balamaly energııa kózderin paıdasyna jaratyp otyrǵan aımaqtardyń kóshin bastap otyr. Atap aıtqanda, Jýaly aýdanyndaǵy «Býrnoe-Solar» kún elektr stansasy, Qordaı aýdanyndaǵy jel elektr stansasy jáne birneshe sý elektr stansalary tabıǵı taza qýat óndirýge múmkindik berip otyr. Atalǵan nysandardyń qataryn jýyrda Sarysý aýdanynda salynatyn jel elektr stansasy tolyqtyrmaq dep jazady Qamshy.kz aqparat agenttigi. 

Qazirgi ýaqytta Sarysý aýdany ákimdiginiń Túrkistan aýyldyq okrýginen berilgen 233 gektar jer kólemi «Jańatas Jel Elektr stansııasy» JShS-niń uzaq jyldar boıy el ekonomıkasynyń damýyna ózindik úles qosýyna yqpal etpek.

Investısııalyq joba aıasynda jergilikti halyqtyń jaǵdaıyn jasaý men qatar áleýmettik-ekonomıkalyq damýǵa úlken serpin bermek.

Bul Elbasymyzdyń jyl saıynǵy Qazaqstan Halqyna Joldaýlaryndaǵy otanǵa kelip jatqan ınvestorlarǵa qoıylatyn alǵy talaptardyń biri.

Aýdanǵa arnaıy issaparmen kelgen Jambyl oblysy ákiminiń birinshi orynbasary B.Orynbekov osy «Jańatas Jel Elektr stansııasy» JShS-nde bolyp, atqarylyp jatqan aýqymdy jumystarmen tanysty.

Elektr stansııasynyń qurylysy 2020 jylǵa qaraı tolyǵymen aıaqtalǵan soń, osynda 40 adam turaqty jumys isteıtin bolady. jobanyń quny-130 mln. AQSh dollaryn qurap otyr. Qýattylyǵy 100 MVT elektr energııasyn óndiredi dep kútilýde.

Qurylys jumystarynyń alǵashqy kezeńi bastalǵan bul jel elektr stansasy aldaǵy ýaqytta Orta Azııadaǵy jelden elektr qýatyn óndiretin eń úlken stansa bolmaq. Osy stansada bolǵan B.Orynbekov merdigerlermen tildesip, aldaǵy josparlardy talqylady.

Sapary barysynda Bekbolat Orynbekov sondaı-aq Túrkistan aýyldyq okrýgine de at basyn burdy. Onda oblys ákiminiń birinshi orynbasary okrýg ákimshiliginde bolyp, okrýg ákimi Dúısenáli Borsyqov pen jáne aýyl qarııalarymen jolyqty.

Atalmysh okrýgke Áshir Búrkitbaev, Arystandy, Úshbas eldi mekenderi kiredi. Okrýgtegi aqsaqaldardyń pikirlerin tyńdap, ótinishterine qulaq asqan oblys basshysynyń birinshi orynbasary aýyl el besigi arqyly aldaǵy ýaqytta kóptegen jaqsy jańalyqtar oryn alatynyn jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir