• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:33:23
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

02 Qyrkúıek, 2019 Aımaqtar

Jambyl oblysynda órtterdiń aldyn alý maqsatynda arnaıy top quryldy

Jambyl oblysynda tabıǵı órtterdiń aldyn alý maqsatynda aýdandyq TJ bólimderi, jergilikti polısııa qyzmeti jáne jergilikti atqarýshy organdar jeke quramynyń kúshimen jalpy sany 97 adamnan turatyn 17 birlesken utqyr top quryldy. Olar baqylanbaıtyn aýyl sharýashylyǵy órtteriniń aldyn alý jáne ormandy dala alqaptarynda órt qaýipsizdigi talaptaryn saqtaý boıynsha 498 reıdtik is-sharalardy júzege asyrdy. Qurǵaq shóp pen qoqysty órteý úshin 95 jeke tulǵa ákimshilik jaýapkershilikke tartyldy, onyń ishinde 58–i jalpy somasy 268 myń 912 teńge aıyppul salyndy jáne 37 - i eskertý berildi dep jazady Qamshy.kz aqparat agenttigi. 

Kúzgi-qysqy kezeńde jınalǵan shópterdiń janý oqıǵalary jıi oryn alady. Degenmen, mundaı órtter kóktemde nemese jazda da bolýy múmkin.

Adamdardyń mal azyǵyn daıyndaǵan kóp kúndik eńbegi keıde zaıa ketedi. Sonymen, 2019 jyldyń basynan Jambyl oblysynda shóp jınaý oryndarynda 87 órt oqıǵasy tirkelip, orlardyń saldarynan 4,5 myń tonnadan astam shóp janyp ketti, al materıaldyq shyǵyny 21 mln. astam teńgeni qurady. О́tken jyldyń uqsas kezeńinde shóp jınaý oryndarynda 98 órt oryn alyp, 1,8 myń tonnadan astam shóp joıyldy.

Shóp pen saban janýynyń negizgi sebepteri – turǵyndardyń otpen abaısyz bolýy nemese qasaqana ot qoıý. Jem-shópter kóbinese jolǵa óte jaqyn jınalady, al abaısyzda nemese ádeıi tastalǵan temeki tuqyly órtke ákelip soǵady. Mundaı oqıǵalardyń aldyn alý úshin eń aldymen órtke qarsy erejeler men normalardy qatań saqtaý qajet. Shóphana elektr ótkizý jelilerinen meılinshe alys jáne qorshalǵan jerlerde ornalasýy tıis. Eger jaqyn jerde sý qory bolsa, tótenshe jaǵdaı orny alǵan jaǵdaıda otty tez sóndirýge bolady.

Qojalyq jáne fermerlik sharýashylyqtarda tótenshe jaǵdaılar kezinde arnaıy órt sóndirýge ıkemdelgen tehnıka daıyn turýy qajet, al egin men astyq jınaýǵa jumyldyrylǵan kólikter ushqyn óshirgishtermen jáne órt sóndirý quraldarymen jabdyqtalýy tıis.

Turǵyn úıdiń meken ýchaskelerinde shópterdi jınaý ǵımaratqa jáne aýla aldyndaǵy qurylystarǵa deıin keminde 15 metr qashyqtyqta oryndalady. Atalǵan qashyqtyqta shópterdi jınaý múmkin bolmaǵan jaǵdaıda jınaý ornyn keminde 500 lıtr sýy bar qosymsha ydyspen qamtamasyz etken jaǵdaıda qashyqtyqty 5 metrge deıin qysqartýǵa bolady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir