• USD 378.65
  • EUR 430.07
  • RUB 6
  • CNY 55.1
24 Qyrkúıek, 00:34:19
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

02 Qyrkúıek, 2019 Aıtty-eı, baýyryń!

Belgili belsendi Toqaevtyń halyqqa joldaýynda aıtylǵan bes máselege erekshe toqtaldy

Belgili ınvestor, qoǵam belsendisi Marǵulan Seısembaı Qazaqstan prezıdenti Qasym-Jomart Toqaevtyń halyqqa joldaýynda "erekshe atap ótýge turatyn jáne saıası tezısterge qatysty bes másele bar" ekenin aıtty dep jazady Qamshy.kz aqparat agenttigi. Bul týraly Seısembaı óziniń Facebook paraqshasynda jazdy. 

"Birden eskerteıin, joldaý kóńilimnen shyqpasa da, negatıvke salynbaımyn. Syrttaı óz reaksııamdy obektıvti túrde aıtýǵa tyrysaıyn. Sonymen, meniń oıymsha, joldaýda erekshe atap ótýge turatyn jáne saıası tezısterge qatysty bes másele bar.


1.Álemdik tájirıbe kórsetip otyrǵandaı, buzyp-jarǵysh saıası lıberalızasııa turaqsyzdyqqa ákep soǵady. Sondyqtan biz saıası reformalardy alǵa attandaýmen emes, oılastyryp otyryp júrgizemiz. Buǵan kelisermin, biraq bul onsyz da joǵaltyp alǵan qanshama ýaqytymyzdy taǵy da ótkizý bolmasa ıgi edi.


2. "Bizdiń prınsıpimiz – saıası modernızasııasyz ekonomıkalyq reformalardy júrgizý múmkin emes", – dedi Prezıdent.
Mine, buǵan 100% kelisemin, tipti 500%!


3. "Zańda belgilengen tártipke saı, olarǵa (mıtıng) ótkizýge ruqsat berý, ol úshin arnaıy oryn belgileý. Alaıda, ol qala syrtynda bolmaýy kerek", – dedi. Tutastaı alǵanda, ilgerileý baıqalady, biraq, menińshe, mıtıngiler eskertýshi sıpatta ótýi kerek. Sondaı-aq, mıtıngini uıymdastyrýshylar óz qaýipsizdigi úshin alańdaıtyn bolsa, ony habarlaýy tıis.

4. "Polısııanyń memlekettiń kúsh quraly retindegi beınesi birtindep kelmeske ketedi. Ol azamattardyń qaýipsizdigin qamtamasyz etý úshin qyzmet kórsetetin organǵa aınalady".
Mine, taǵy da 100, 500% kelisemin! Men tek «birtindep» degen sózdiń kúntizbege qoıylǵanyn jáne naqty merzimin estigim keledi.

5. "Aldaǵy májilis pen máslıhat saılaýy elimizdegi kóppartııaly júıeniń odan ári damýyna sep bolýy kerek".
Ne bul? Jańa partııany tirkeýdi jeńildetý jónindegi ýádesi me, álde tek saılaýǵa sep bolýǵa «tıis» degen tilegi ǵana ma? О́z basym bul sózdi túsinbedim.

Jalpy - osylar. Qalǵanynyń bári ómirimizdiń jaǵymsyz sátterine baılanysty halyqtyń áleýmettik jelilerdegi reaksııasyna bergen jaýaby jáne máselelerdi aqshamen toltyrý ǵana. Dese de, munyń ózi jaman emes. Bul - eń bolmaǵanda, bıliktiń áleýmettik jelilerdegi narazylyqtardy estı bastaǵanyn kórsetedi", - dep jazdy Seısembaı feısbýk paraqshasynda. 

Búgin, 2 qyrkúıekte Qazaqstan prezıdenti Qasym-Jomart Toqaev halyqqa joldaý joldady. Toqaevtyń joldaýy "Syndarly qoǵamdyq dıalog – Qazaqstannyń turaqtylyǵy men órkendeýiniń negizi" dep ataldy. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir