Jambylda orman órtiniń sany azaıǵan

Aǵymdaǵy jyly Jambyl oblysynda orman órtiniń sany azaıǵan. Atap aıtqanda Talas aýdanynda 6 orman órti tirkeldi, Merki aýdanynda - 3, Baızaq aýdanynda-2 jáne Moıynqum aýdanynda-1 orman órti oryn alǵan, 2018 jyldyń osy kezeńimen salystyrǵanda orman órtiniń sany 4,4 esege, materıaldyq shyǵyn 4 esege, al órt aýmaǵy 2 esege azaıǵan dep jazady Qamshy.kz aqparat agenttigi. 

О́tken jylmen salystyrǵanda orman órtteri sanynyń tómendeýi Talas aýdanynan basqa oblystyń barlyq aýdan aýmaǵynda baıqaldy, al Talas aýdanynda órt sany 3 esege ósken.

Orman órtteri sanynyń tómendeýi Moıynqum aýdanynda 8 esege, Merki aýdanynda 3,5 esege, Baızaq aýdanynda 2 esege, T.Rysqulov aýdanynda 5 jaǵdaıǵa, Jýaly aýdanynda 3 jaǵdaıǵa, Shý aýdanynda 2 jaǵdaıǵa jáne Jambyl aýdanynda 1 jaǵdaıǵa azaıǵan.

Aǵymdaǵy jyly dala alqaptarynda 2018 jyldyń sáıkes kezeńimen salystyrǵanda dala órtteriniń sany 2 esege, al órtten kelgen shyǵyn 10 esege artty.

Aǵymdaǵy jyly barlyq tirkelgen 8 dala órti astyq jáne bıdaı alqaptarynda bolǵan, al ótken jyldyń osy kezeńinde astyq jáne bıdaı alqaptarynda órt bolǵan joq, ıaǵnı ótken jyly 4 dala órti dala alqaptarynda bolǵan.

Aǵymdaǵy jyly jekelegen aýdandarda dándi jáne bıdaı alqaptarynda dala órtteriniń sany kúrt ósti. Máselen, T. Rysqulov aýdanynda dala órtteriniń sany 4 esege, Jýaly aýdanynda jáne Qordaı aýdanynda 100 paıyzǵa artty.

Sondaı-aq, aǵymdaǵy jyly dala alqaptarynda 2018 jyldyń osy kezeńimen salystyrǵanda órt retinde esepke alynbaıtyn dalalyq janý oqıǵasynyń sany 17 paıyzǵa óskeni baıqalady, bul rette otpen ótken aýdan, olardy joıý úshin kúshter men quraldardy jedel jumyldyrý nátıjesinde 16 paıyzǵa azaıdy.

Aǵymdaǵy jyly dala alqaptarynyń janý oqıǵasynyń eń kóp sany Qordaı aýdanynda 196,5 ga. jerde 32 janý oqıǵasy tirkelgen, Baızaq aýdanynda, Jýaly aýdanynda, Moıynqum, Shý aýdanynda, T. Rysqulov jáne Shý aýdanynda boldy.

Esepti kezeńde jergilikti atqarýshy organdar memlekettik órtke qarsy qyzmettiń kúshteri men quraldaryn tartpaı dala alqaptarynda oryn alǵan janý oqıǵasynyń 40 paıyzyn óz betinshe joıdy.

Atap aıtqanda, Baızaq aýdanynda aýdan aýmaǵynda bolǵan 20 dala janýynyń ishinen erikti órtke qarsy quralymdar (budan ári-EО́QQ) kúshimen

1 dala alqaptarynyń janýy sóndirdi, Merke aýdanynda 11-niń 2-i sóndirildi, Jýaly aýdanynda 15-niń 6-y sóndirildi, T. Ryskulov 14-tiń 5 sóndirildi, al Jambyl aýdanynda barlyq 10 janý oqıǵasynyń barlyǵyna memlekettik órtke qarsy qyzmet kúshteri men quraldary qatysty.