• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:12:22
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

02 Qyrkúıek, 2019 Aımaqtar

Jambylda órtpen kúreske basa nazar aýdarylyp otyr

Tilsiz jaýdyń aldyna alý jáne onymen kúres – Tótenshe jaǵdaılar departamentiniń basty mindetteriniń biri. Dese de, túrli faktorlardyń sebebinen órtti boldyrmaý múmkin bolar emes. Máselen, aǵymdaǵy jyldyń 8 aıy ishinde Jambyl oblysynyń aýmaǵynda 467 órt tirkeldi. Onda 3 adam qaza bolyp jáne 3 adam ártúrli dárejedegi kúıik aldy dep jazady Qamshy.kz aqparat agenttigi. 

Tirkelgen órtterdiń saldarynan materıaldyq shyǵyn 76 mln. 780 myń teńgeni qurady. 2018 jylmen salystyrǵanda órt sany 3 paıyzǵa ósti, biraq materıaldyq shyǵyny 40 paıyzǵa, adam ólimi 3 esege, al jaraqat alǵandar 40 paıyzǵa kemidi. О́rttiń eń basym kópshiligi memlekettik órtke qarsy qyzmet organynyń baqylaýynan tys obektilerde, ıaǵnı turǵyn úı sektory men avtokólik quraldarynda oryn alǵan.

О́rt qaýipsizdigi salasyndaǵy memlekettik ınspektorlarmen 1701 sharýashylyq sýbektilerine órt tehnıkalyq tekserý júrgizildi, nátıjesinde 8551 órt qaýipsizdigi erejeleriniń buzylýy anyqtaldy: erekshe tártip boıynsha tekserý -1060, jospardan tys -641.

Ákimshilik jaýapkershilikke 1172 laýazymdy jáne zańdy tulǵalar ákimshilik jaýapkershilikke tartyldy, onyń ishinde 118 eskertý, 1054 adamǵa jalpy sommasy 21 mln. 30 myń 725 teńge aıyppul salyndy.

Sonymen birge, órttiń oryn alýyna sebepshi bolǵan 271 tulǵalarǵa ákimishilik jaza qoldanyldy, onyń ishinde 162 aqshalaı aıyppul jalpy sommasy 1 mln. 295 myń 325 teńge jáne 109 eskertý.

Aýdanaralyq ekonomıkalyq sotqa órt qaýipsizdigi erejeleriniń buzylýmen paıdalanyp otyrǵan 28 obektiniń jumysyn toqtatý boıynsha talap aryz joldyndy jáne olar sot sheshimimen qanaǵattandyryldy. Aldyńǵy berilgen uıǵarymdamany oryndamaǵany úshin 95 materıaldar ákimshilik sotqa joldandy. Joǵaryda atalǵan obektiler boıynsha vedomstva basshylary jáne jergilikti atqarýshy organdar aqparattandyryldy.

2019 jylǵy 26 tamyzǵa deıin oblys aýmaǵynda dalalyq alqapta 1136 gektar jerde 146 janý oqıǵasy tirkelgen, orman qory aýmaǵynda 11 orman órti oryn alyp, aýmaǵy 37110,16 gektardy qurady. Nátıjesinde 16 mln. 285 myń 624 teńge shyǵyn keltirildi, sondaı - aq 577 gektar jerde 8 dala órti oryn alǵan, shyǵyny 3 mln. 560 myń teńgeni qurady.

Osyǵan oraı Jambyl oblystyq tótenshe jaǵdaılar departamenti tilsiz jaýdyń aldyn alý jáne boldyrmaý sharalaryn júıeli túrde júzege asyrýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir