• USD 378.65
  • EUR 430.07
  • RUB 6
  • CNY 55.1
19 Qyrkúıek, 03:01:05
Shashyrap júrgen qazaqty búgin kóshirip almasaq, erteń joǵaltyp alýymyz múmkin

02 Qyrkúıek, 2019 Aımaqtar

Jambylda "Taraz Gid" jastar týrıstik slety ótti

Jambyl oblysynda «Taraz Gid» ataýymen jastar týrıstik slety ótti. Jambyl orblysy ákimdiginiń Týrızm basqarmasy bastamashy bolǵan sharaǵa «Taraz-Týrızm» týrıstik aqparattyq ortalyǵy men Taraz qalalyq jastar resýrstyq ortalyǵy, «Jambyl oblysynyń alpınızm, radıobaǵdarlaý jáne sporttyq týrızm federasııasy» qoǵamdyq birlestigi, «Otan I.» týroperator qoldaý bildirdi.

Shara Jambyl oblysy men Taraz qalasynda ishki jastar týrızmin damytý, biryńǵaı týrıstik jastar klýbyn qurý, avtorlyq týrlardy «TripAdvisor», «Indy-Guide», «Viator» «Private Guide» syndy halyqaralyq týrıstik platformalarda damytý, Týrızm sarapshylarynyń ózara aqparat jáne tájirıbe almasýy jáne jastardy týrızm salasyndaǵy kásipkerlikke baýlý jáne yntalandyrýdy maqsat etti.

Jastar sletyna aımaqtaǵy joǵary oqý oryndarynyń jáne oblys kolledjderiniń stýdentteri qatysty. Sonymen birge, elimizdiń ár aımaǵynan kelgen ekskýrsavodtar, shetel saıahatshylary men blogerleri, sondaı-aq memlekettik mekeme qyzmetkerleri men el jáne alys-jaqyn sheteldiń túrli týrıstik mekemeleri atsalysty.

Eki kúnge sozylǵan týrıstik slettyń alǵashqy bóligi Taraz qalasyndaǵy Shoqan Ýálıhanov atyndaǵy oblystyq ǵylymı-ámbebap kitaphanasynyń Kovorgıng zalynda ótti. Munda Jambyl oblysy ákimdigi týrızm basqarmasynyń basshysy Qarlyǵash Aralbekova forýmdy saltanatty ashyp, qonaqtardy oblystaǵy týrızm salasynyń áleýetimen tanystyrdy.

Jıynda el jáne shetel saıahatshylary óz oılarymen bólisip, týrızmdi damytý turǵysyndaǵy usynystaryn ortaǵa saldy. Atap aıtqanda, «Taraz Týrızm» mekemesiniń dırektory U. Joldyqululy Taraz qalasyndaǵy týrıstik marshrýttardy tanystyrsa, Fransııadan arnaıy kelgen saıahatshylar Áýlıeata aımaǵyn aralaýda alǵan áserlerimen bólisip, óz oılaryn ortaǵa saldy.

Qatysýshylar shara sońynda ortaǵasyrlyq Tórtkúl kerýen saraıyn aralap, qazaq halqynyń dástúri men ulttyq taǵam, ulttyq sport syndy qundylyqtarynan habardar boldy.

Slettyń ekinshi kúni qatysýshylarekologııalyq týr ótkizdi. Jýaly aýdanynda ornalasqan Berikqara shatqalyna attanǵan stýdentter aldymen taýly jerdegi qaýipsizdik tehnıkasymen tanysty. Odan soń taýǵa órmeleýdiń praktıkalyq jattyǵýlaryna kiristi. Qatysýshylar shópti shatqaldarmen júrý tehnıkasyn da meńgerip, taýly jerdi baǵdarlaýdan da sabaqtar aldy. Shara sońynda barlyq qatysýshylar sertıfıkattarmen marapattaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir