• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:05:11
Latyn álipbıine kóshý máseleleri semınar-keńeste sóz boldy

02 Qyrkúıek, 2019 Aımaqtar

Aısha bıbi jazym bolǵan Jylandy kól

Elbasynyń «Bolashaqqa baǵdar: rýhanı jańǵyrý» maqalasynda Elbasy jergilikti halyq kıeli sanaıtyn oryndar jaıyndaǵy málimetterdi urpaq sanasyna sińirýdiń mańyzdylyǵyna toqtalǵany málim. Osy oraıda Jambyl oblysy aýmaǵynda ornalasqa Jylandykól atalatyn orynnyń tarıhy Aısha bıbiniń baılanystyryla aıtylady dep jazady Qamshy.kz aqparat agenttigi. 

El arasyndaǵy ańyzdarda HI-HII ǵasyrlarda ómir súrgen ǵalym ári aqyn Súleımen Baqyrǵanıdiń qyzy Aısha bıbi men Tarazdy bılegen Shah-Mahmýd arasyndaǵy mahabbat oqıǵasynyń qaıǵyly aıaqtalǵany aıtylady. Ákesi Súleımen Baqyrǵanı ómirden ozǵan soń Aısha bıbi anamyz sheıh Aıqojanyń tárbıesinde qalǵan. Alaıda sheıh Aıqoja Aısha bıbi men Shah-Mahmýdtyń nekesine qarsylyq tanytady. Soǵan qaramastan Buqaradan súıgeni meken etken Tarazǵa qaraı bet alǵan Aısha bıbi jolda qıyn jaǵdaıǵa dýshar bolady. Qazirgi Asa ózeniniń jaǵasyndaǵy Jylandykólge at shaldyryp, demalyp jatqan Aısha bıbini jylan shaǵyp jazym etedi. Súıiktisin jylan shaqqanyn Qarahanǵa Babadja hatýn estirtedi. Qarahan jetkenshe jylan ýy denesine tarap ketken Aısha bıbi anamyz jantásilim eter shaǵynda ımam eki ǵashyqtyń nekesin qııady. Alaıda ımamnyń «Sen Qarahannyń jubaıy Aısha bıbisiń» degen sońǵy sózdi estigen Aısha bıbi anamyzdyń kózinen jas aqqan kúıin jalǵan dúnıemen qosh aıtysyp kete barady.

Mine ǵasyrdan ǵasyrlarǵa jetken osy bir tarıhı oqıǵa búgingi Áýlıekól aýylynyń mańyndaǵy kólde bolǵan. Qazirgi tańda Áýlıekól atalatyn kól bir kezderi Jylandykól atalypty. О́ıtkeni sol dáýirdiń kóldiń mańy jylannyń túr-túrine toly bolǵan eken. Qazir osy kezinde jylan jortqan qara balshyqty emdik maqsatta paıdalanady. Medısınada jylannyń ýymen qorektengen balshyq myń túrli aýrýǵa shıpa sanalady.

Bir kezderi ańyzdyń keıipkeri, shynaıy mahabbat sımvolyna aınalǵan Aısha bıbiniń súıiktisine jeter jolyn baılaǵan Jylandykól búginde jergilikti turǵyndardyń , janyna shıpa izdegenderdiń at basyn buratyn shıpaly orynǵa aınaldy. Al dál osy Jylandykól mańynda máńgilik saparǵa attanǵan qas sulýdyń qurmetine súıiktisi Qarahan ornatqan kesene táý ete keletin týrısterdiń sany jyl sanap ulǵaıa túsýde. Osydan soń óz zamanynda Aısha bıbiniń ólimine sebepker bolǵanymen sonyń óteýine myńdaǵan adamnyń dertine daýa tabylyp júrgen Jylandykóldiń kıeliligi eshqandaı talas týdyra qoımas.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir