• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:18:52
Qazaqstanda másele sheshilý úshin aldymen adam ólý kerek

02 Qyrkúıek, 2019 Aımaqtar

Batyr Baýyrjan Sarysýda ustazdyq etken

Uly Otan soǵysy tarıhynda atyn altyn árippen jazǵan biregeı tulǵa Baýyrjan Momyshulynyń ómir jolyna qatysty tyń derekter tolyǵa tústi. Batyr Baýyrjan ótken ǵasyrdyń 20-30 jyldary qurylǵan qazirgi Sarysý aýdanynda ustazdyq etip, talaı qazaq balasynyń saýatyn ashýǵa muryndyq bolǵan dep jazady Qamshy.kz aqparat agenttigi. 

Bul jaıynda batyrdyń ózi jazǵan «Aıtylmaǵan aqıqat» kitabynda da tamtumdap aıtylady. Atalǵan áńgimeden Shymkentten bir aılyq muǵalimder kýrsyn támamdaǵan batyr Baýyrjannyń Sarysýǵa ustazdyq etýge joldanǵanyn oqyp bilýge bolady.Sondaı-aq oqyrman bul derekti áńgime arqyly Sarysý aýdanynyń endi qurylý tarıhymen de tanysa alady. Batyrdyń avtorlyǵymen jazylǵan áńgimeden bólek sol tusta Sarysý aýdanynda bilim berý isiniń basy qasynda júrgenderdiń esteligi de bul derekti naqtylaı túsedi. Máselen ádebıet synshysy Álııa Bópejanovanyń ákesi Qaharman Bópejanovtyń qoıyn dápterinde Sarysý aýdannyń alǵashqy ustazy jáne mektep dırektory Baýyrjan Momyshuly bolǵandyǵy jazylǵan. Baýyrjan Momyshulynyń ustazdyq qyzmeti jaıynda Sarysý aýdanynyń turǵyny, Jaqsybaı Súleımenovtiń óz aýzynan jazylyp alynǵan áńgimede tolyq aqpar berilgen. Kónekóz qarııanyń aıtýynsha Baýyrjan Momyshuly bir top joldastarymen birge Shymkent qalasyndaǵy «Ahmet mektebi» dep atalyn orys mektebinde oqyǵan kórinedi. Ile shala osy qaladaǵy muǵalimder kýrsyn támamdaǵanda Baýyrjan Momyshuly Sarysý aýdanynyń oqý bólimine jiberilipti.

Baýyrjan Momyshuly Sarysý aýdanyndaǵy ustazdyq qyzmetin О́ksikbaı atty baıdan kámpeskelengen aǵash úıdegi 150 oryndyq mektep-ınternatynyń oqý isi meńgerýshiligine bastaǵan. Odan soń mektep dırektory jáne aýdandyq oqý bóliminiń basshysy boldy. Sol tusta mektepte tálim alǵan Baltabaı Adambaev keıinnen til salasynyń bilgiri atandy.

Alaıda batyrdyń Sarysýdaǵy ustazdyq qyzmeti 4-5 aı ǵana sozylǵan eken. 1929 jyly úı-jaıyn kóshirip alýǵa týǵan jeri Jýalyǵa barǵan Baýyrjan Momyshuly aýdandyq atqarý komıtetine jaýapty qyzmetke taǵaıyndalǵan.

Aıta ketý kerek 90 jyldan astam tarıhy bar Sarysý aýdanynda ár jyldary Sáken Seıfýllın, Oraz Jandosov syndy qazaqtyń bir týar uldary iz qaldyrǵan. Kúni búginge deıin aýdan tarıhynan habardar azamattar olardyń Sarysýdaǵy sapary jaıynda mazmundy áńgimeleıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir