• USD 468.56

  • EUR 497.56

  • RUB 7.3

  • CNY 67.18

29 Naýryz, 12:43:45
Almaty
+35°

02 Qyrkúıek, 2019 NEWS

Toqaev: Elbasynyń  basshylyǵymen elimiz álemdegi bedeldi ári ornyqty  memleketke aınaldy

Toqaevtyń aıtýynsha, Qazaqstan eldiń burynǵy prezıdenti Nazarbaevtyń basshylyǵymen "álemdegi bedeldi ári ornyqty memleketke" aınalǵan. 

Búgin, 2 qyrkúıekte parlamenttiń  birlesken otyrysyn ashqan Qazaqstan prezıdenti Qasym-Jomart Toqaev Qazaqstannyń damýy jolyn búkil álem moıyndaǵanyn aıtty  dep jazady Qamshy.kz aqparat agenttigi. 

Toqaevtyń aıtýynsha, Qazaqstan eldiń burynǵy prezıdenti Nazarbaevtyń basshylyǵymen "álemdegi bedeldi ári ornyqty memleketke" aınalǵan. 

"Biz elimizdiń jańa tarıhyndaǵy mańyzdy beleske jaqyndap kelemiz. 30 jylǵa jýyq ýaqyt buryn halqymyz óziniń Táýelsizdigin jarııalap, babalarymyzdyń ǵasyrlar boıy ańsaǵan armanyn oryndady. Osy  ýaqyt ishinde Qazaqstannyń tuńǵysh prezıdenti - Elbasy Nursultan Nazarbaevtyń  basshylyǵymen elimiz álemdegi bedeldi ári ornyqty  memleketke aınaldy. Baıandy birligimizdiń arqasynda Táýelsizdigimizdi nyǵaıtyp, halqymyzdyń jaǵdaıyn jaqsartýǵa jol ashtyq. Bul jasampazdyq pen ilgerileý, beıbitshilik pen kelisim kezeńi boldy. Elimizdiń damý jolyn búkil álem moıyndap, qazaqstandyq, ıaǵnı Nazarbaev modeli dep atady", - dedi Toqaev.

Sonymen qatar Toqaev saılaýaldy baǵdarlamasynda halyqqa bergen ýádeleriniń bárin oryndaıtyn aıtty.

"Biz buǵan Elbasy  saıasatynyń sabaqtastyǵyn saqtap, júıeli reformalar  júrgizý arqyly qol jetkize alamyz. О́zderińizge belgili, osynyń bári meniń saılaýaldy baǵdarlamamnyń negizi boldy. Qazir memlekettik organdar ony júzege asyrý úshin tıisti jumystar júrgizip jatyr. Men halyqqa bergen ýádelerimdi mindetti túrde oryndaımyn", - dedi prezıdent.

Búgin, 2 qyrkúıekte Nur-Sultanda parlamenttiń bárlesken otyrysy ótip jatyr. Atalǵan jıynda el prezıdenti Toqaev Qazaqstan halyqyna jodaý joldap jatyr. 



"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir