• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:21:29
Qazaqstanda másele sheshilý úshin aldymen adam ólý kerek

31 Tamyz, 2019 Mańǵystaý oblysy

Mańǵystaýda Qazaqstan munaıynyń 120 jyldyq merekesi atalyp ótti

Búgin qazaqstandyqtar úshin aıryqsha kún! О́ıtkeni osydan 120 jyl buryn alǵash ret qazaq dalasynda munaı atqylap, elimizdiń tarıhy jańa kezeńge bet burǵan edi. Osynaý tarıhı sát qarsańynda maıtalman munaıshylar da, aǵa býynnyń izin jalǵaǵan jas urpaq ta kıeli Mańǵystaý óńirinde bas qosty. 1

"Mańǵystaýdaǵy iri munaı ken oryndarynyń tabylýy, shyn máninde, túbektegi tirlikti túbegeıli ózgertip, tarıhtyń jańa betterin ashty. Tabıǵat ananyń qushaǵyndaǵy qazynany shashaý shyǵarmaı, el ıgiligine berip otyrǵan adal eńbekterińizge rızashylyǵym sheksiz. Munaıshylardyń eńbekke jumylǵan eren kúshi men qıyn qyzmette bir jeńnen qol, bir jaǵadan bas shyǵara alǵan yntymaǵynyń jemisi. Qajyrly eńbekterińiz eshqashan umytylmaıdy. Sizder kúni keshe jer qoınaýynan qara marjandy súzip alyp, keıingi urpaǵynyń bolashaǵyna altyn jol salǵan aǵa býynnyń dástúrin laıyqty jalǵastyryp kelesizder. Bilim-bilik jáne kúsh-qaıratyn Qazaqstannyń damýyna jumsaǵan búgingi munaıshylardyń esimi tarıh betterinde altyn áripen jazylǵany anyq" – dedi merekelik keshte munaıshylardy quttyqtap, sóz alǵan aımaq basshysy Serikbaı Trumov. 1

Aıta keteıik, qazirgi tańda elimizde óndiriletin munaı-gaz salasynyń 30%-y Mańǵystaý aımaǵyna tıesili. Bul degenimiz jylyna 18 mln.tonnadan astam munaı jáne 3 mlrd.tekshe metr tabıǵı gaz. Kómirsýtekti shıkizattyń negizgi kólemin «Mańǵystaýmunaıgaz», «О́zenmunaıgaz», «Qarajanbasmunaı», «Bozashy Opereıtıng LTD» kompanııasynyń fılıaly, «Qaraqudyqmunaı» JShS óndiredi. Oblys bıýdjetiniń de basym bóligi de osy munaı-gaz salasynan túsken salyqtar men mindetti tólemder negizinde quralady. Máselen, tek bıylǵy jyldyń alǵashqy alty aıynda óńir qazynasy «Mańǵystaýmunaıgazdyń» óndiristik qyzmeti nátıjesinde 4,3 mlrd. teńgege tolyqty. Al bul, óz kezeginde memlekettiń qoǵam aldyndaǵy mindettemeleriniń júzege asýynyń, aımaq kelbetiniń ajarlana túsýiniń kepili. Kompanııanyń áleýmettik seriktestik negizinde kórsetetin kómegi kópshilikke belgili. 1

Saltanatty jıyn aıasynda Mańǵystaý óńiriniń áleýmettik-ekonomıkalyq damýyna qosqan úlesi úshin birneshe azamattar Mańǵystaý oblysy ákiminiń Qurmet gramotasymen, "Munaı-gaz keshenin damytýǵa qosqan úlesi úshin" QR Energetıka Mınıstrliginiń medalimen marapattaldy. 1

Jıynnan soń qonaqtar dańqty munaıshy - Safı О́tebaevtyń eskertkishine gúl shoqtaryn qoıdy. Bıyl qazaq munaıynyń kemeńger tulǵasy Safı О́tebaevtyń týylǵanyna 110 jyl tolyp otyr. Munaı abyzynyń eskertkish-bıýstine taǵzym etý mıtıngisin "QazMunaıGaz" UK" AQ Basqarma tóraǵasy Alık Aıdarbaev ashty. Ulttyq Kompanııa basshysy Qazaq munaıynyń 120 jyldyǵy men Qalamqas kenornynyń 40 jyldyǵyna oraı munaı-gaz kesheni qyzmetkerlerin tól merekesimen quttyqtap, aldaǵy isterine tolaǵaı tabys tiledi. 1

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir