• USD 468.56

  • EUR 497.56

  • RUB 7.3

  • CNY 67.18

28 Naýryz, 15:21:10
Almaty
+35°

Jambyl oblysy, Jýaly aýdanyndaǵy Uly Otan soǵysynyń dańqty qolbasshysy Baýyrjan Momyshulynyń ákesi Momyshtyń atyndaǵy bulaq ta «Rýhanı jańǵyrý» baǵdarlamasynyń «Qazaqstannyń kıeli jerleriniń geografııasy» jobasy aıasynda Qazaqstannyń óńirlik qasıetti nysandar tizimine alynǵan oryn. Qazirgi Jýaly aýdanynyń Kólbastaý men Talapty aýyldarynyń orta tusynda, Oraq balǵa atalatyn eski jurttyń batys tusynda ornalasqan bulaqty batyr týǵan topyraqpen baılanystyratyn jergilikti jurt onyń kıeliligine kúmán keltirmeıdi dep jazady Qamshy.kz aqparat agenttigi. 

Jalpy qazirgi Jýaly aýdanynyń Kólbastaý, Talapty aýyldarymen Alataý deıingi aralyqta sansyz bulaq bar. Sol sebepten de bul mekendi kúni búginge deıin jergilikti halyq arasynda Myńbulaq atalady. Myńbulaq jaıyndaǵy alǵashqy tarıhı derekter qytaı saıahatshysy Sıýan – Szıannyń jazbalarynda kezigedi. Ǵalym Ol qazirgi Jambyl oblysynyń batysyndaǵy Myńbulaq óńiriniń janǵa jaıly ekendigin jazyp, ony jazdyń ystyq aılarynda handar kelip mekeni etetinin aıtady. Osy mańda týylyp alty alashqa aty tanylǵan jazýshy Sherhan Murtaza da bul derekti «Aı men Aısha» romanynda paıdalanady. Jazýshy Myńbulaqty meken etken handardyń osy mańda elik asyrap, saıatshylyq qurǵanyn baıandaıdy. Bul derekterdi arab jıhangezderi Ýbeıdallah ıbn Abdýllah ıbn Hordadbek (846 jyly) jáne Kýdama ıbn Jafar da (H ǵ. Basynda) óz qoljazbalarynda naqtylaı túsedi. Tipti olar osy mańda buryn Myńbulaq atalǵan Abardjadj qalasynyń bolǵanyna nazar aýdarady. Máselen arab geografy Ýbeıdallah ıbn Hordadbektiń óz kúndeliginde: «Ispıdjabtan (Saıram) Býdýhketke keldik, odan Tamtadjǵa (Túlkibas) odan Abardjadjǵa (Myńbulaq) 4 farsah jol júrdik, odan Barkýabtaǵy (Teris) beketke deıin 6 farsah jol júrip Jývıket arqyly Tarazǵa jettik» – degen málimetterdi jazady.

Tarıhy sonaý erte ıslam dáýirine bastaý alatyn Myńbulaqtyń bir salasyn búginde jergilikti jurtshylyq Momysh bulaǵy dep qasıet tutady. Ol bulaq óz bastaýyn taýdyń eteginen alady. Bulaqtyń sýy shaǵyn ǵana. Onyń batys jaq irgesinde 200 qadamdaı jerde jáne bir bulaq bar. Ol – Esdáýlet bulaǵy dep atalady. Eki bulaqtyń ortasy 2 gektardaı shúıgin shópti alqaptan turady.

Kónekóz qarııalar kezinde buryn eki bulaqtyń ortasynda at shomyldyryp, qoı toǵytatyn toǵan bolǵandyǵyn aıtady. Osy Momysh bulaqtyń basynda erlik dańqy álemge jaıylǵan batyr Baýyrjannyń kindik qany tamǵan. Bul jerdiń qadir-qasıeti Baýyrjan Momyshuly óziniń «Ushqan uıa» kitabynda mazmundy baıandalady.

"Qamshy" silteıdi
Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir