Tarazdyq qolónersheberi kıizden kádesyı jasaıdy

Jambyldyq qolónershi Rahat Saparalıeva kıizden kádesyı jasaıdy. Qolónershi ózi qoldanatyn shıkizattyń tazalyǵy ónimniń sapasyna tikeleı áser etetindigin alǵa tartady dep jazady Qamshy.kz aqparat agenttigi. 

Rahat Saparalıeva – Qazaqstan Sýretshiler Odaǵymen, teatr qaıratkerleri Odaǵynyń múshesi. Ol qolónerge deıin jıvopıspen dekoratıvti ónermen jáne grafıkamen aınalysqan. О́z týyndylaryna portretter, natıýmort, peıjaz janrynda oryndap shyǵatyn sýretshiniń qolónerge qadam jasaǵanyna kóp bola qoıǵan joq.

–Men qazir kıiz basýmen aınalysamyn. О́nerdiń bul eski túrin bizge ájelerimiz úıretken. Biz kónergen osynaý tehnologııany jańǵyrtyp qoldanysqa engizip jatyrmyz. Buǵan deıin men óz shyǵarmalarymda boıaýdy qoldanyp kelsem munda kádesyıdyń kólemin, anyq túsin qamtamasyz ete alatyn kıizdi qoldanamyn. Sondaı-aq men kádesyılardy ázirlegende qatardaǵy kádesyı etip jasaı bergim kelmeıdi. Múmkindiginshe ár nárseni óz tabıǵatyna jaqyn etip, minezimen úılestirip jasaǵandy jón kóremin,–deıdi qolóner sheberi.

Umyt qalǵan dástúrdi jalǵastyryp kıizden kádesyı jasaýdy qolǵa alǵan sheber bul kásipten paıda tabýdy maqsat etpeıtinin aıtady. Tek óziniń jan raqaty úshin jasaıdy. Buǵan deıin kórkem-qolóner týyndylaryn Almaty qalasynda ótetin kórmege qoıyp júrgen qolónershi Tarazdaǵy Tórkúl kesheninde sheberlerge arnalǵan «Kóne Taraz qalasynyń sheberleri» atty etnojobanyń ózine mol múmkindik bergenin tilge tıek etti.

–Talaıǵy tarıhy bar Tórtkúl kesheninde ejelgi óner túrlerinen sheberlik synyptar ótkizýge arnalǵan alań ashylǵany qýantady. Osy alań arqyly biz kıiz basýǵa qyzyǵatyndarǵa sheberlik synyptaryn ótkizip turamyz. Ásirese balalar óenrdiń bul túrine qyzyǵyna qaraıdy. Ýaqyt óte alańshada óz týyndylaryn kópshilik nazaryna usynýshylar sany artyp keledi. Osy bir ıgi dástúr arqyly «Tórtkóldi» týrıster arasynda tanymal bolatyndyǵyna senemin, –deıdi R.Saparalıeva.

Sýretshiniń oıyn quptaǵan Jambyl oblysy ákimdiginiń týrızm basqarmasynyń basshysy Qarlyǵash Aralbekova da «Tórtkól» kerýen-saraıyn Tarazdyń týrıstik boıtumaryna aınaldyrýdaǵy Kóne Taraz qalasynyń sheberleri» etnojobasynyń bereri mol ekendigine nazar aýdardy. Qazirdiń ózinde bul nysan Jibek joly boıynda jatqan Túrkııa, Ázerbaıjan, Qyrǵyzstan memleketterinen ótetin týrıstiktýrdyń tizimine engen.