• USD 378.65
  • EUR 430.07
  • RUB 6
  • CNY 55.1
23 Qyrkúıek, 20:15:16
"Shetelde oqý – ómirlik mıssııa men qyzmettik jolyńyzdy tanýǵa kómektesedi"

01 Qyrkúıek, 2019 Aımaqtar

Jambyl oblysynda "Qara kempir" ánine eskertkish qoıylǵan

Jambyl oblysynda ataqty sazger Altynbek Qorazbaev ánge qosqan «Qara kempirge» eskertkish qoıylǵanyn bireý bilse, bireý bilmes. Alaıda ánge arqaý bolǵan keıýananyń qasiretti taǵdyry kim-kimdi bolsa da beı-jaı qaldyrmaıdy. 1993 jyly turǵyzylǵan eskertkish Merki aýdanynyń Jańatoǵan aýylynda ornalasqan dep jazady Qamshy.kz aqparat agenttigi. 

Teginde táýelsizdikke deıin qazaq dalasynda nebir zulmat pen náýbettiń oryn alǵany tarıhtan belgili. HH ǵasyrdyń ózinde ámirshil júıeniń birinen keıin biri júrgizgen retsiz reformalary, azamattyq soǵys, asharshylyq, saıası qýǵyn súrgin, dúnıejúzilik soǵys qasireti myńdaǵan qazaq otbasynyń arqasyn aıazdaı qarydy. Tipti keı otbasylardyń oty óship, qazany tóńirilgen kúıde qaldy. Osy bir zaman sazyn názik yrǵaqpen sherte alǵan Altynbek Qorazbaevtyń «Qara kempir» áni ótken ǵasyrda kópshiliktiń kózine jas aldyrǵany málim. Alaıda sol kópshilik bul ánge Jambyl oblysyndaǵy Merki aýdanyndaǵy Qyzylsaı aýylyndaǵy Qalı ananyń muńly taǵdyry arqaý bolǵanynan habarsyz. Jergilikti turǵyndar arasynda «Qara kempir» jaıyndaǵy ańyz áli kúnge aıtylyp júr. Surapyl soǵysqa attanǵan Jeksenqul, Qosshyǵul atty qos ulynan qatar aıyrylǵan Qalı ananyń ishqusa bolǵan ananyń zary men kúıiginen «Qara kempir» áni týady. Al 993 jyly «Qara kempir» ániniń keıipkerine eskertkish turǵyzylady.

Soǵystan qaıtpaı qalǵan qos ulynyń jolyna telmirýimen ótken anaǵa arnalǵan memorıaldyq keshenniń bıiktigi 4 metrdi quraıdy. Betonnan quıylǵan tórtburysh tuǵyrdyń ústine ornatylǵan. Tóbeniń eteginde eskertkishke baratyn, satyly joldyń boıynda:

«Oooı, dúnıe-aı!

Qaraımyn batys jaqqa kele me dep,

Anasyn qaıǵy shekken kóre me dep.

Suraımyn ótkennen de, ketkennen de

Habaryn qos qozymnyń habaryn bereme dep» – degen bir shýmaq óleń qyzyl tasqa qashalyp jazylǵan. Bul ánniń sózin jergilikti aqyn Jaqsylyq Sátibekov jazǵan.

Al Qalı ana beınesi ulttyq naqyshta kıingen, aǵash butaǵyna súıenip turǵan kúıinde beınelengen. Osy keıpimen-aq músin adamnyń júregin tebirentip, kóńiline muń uıalatady. Bajaılap qaraǵan jan keıýana júzinen ýaıym men qajýdyń taby baıqap, ómirdiń qundylyqtary, ananyń bala degen rııasyz mahabbaty jaıynda tuńǵıyq oıǵa beriledi. Ázirge bul el aýmaǵyndaǵy án keıipkerine qoıylǵan eskertkishtiń birden bir nusqasy bolyp esepteledi.

Ilmek sózder: Jambyl oblysy

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir