• USD 378.65
  • EUR 430.07
  • RUB 6
  • CNY 55.1
20 Qyrkúıek, 06:04:43
Latyn álipbıine kóshý máseleleri semınar-keńeste sóz boldy

01 Qyrkúıek, 2019 Aımaqtar

Jańa oqý jyly – jańa baǵdar, jańa jetistikter

Búgin, 1 qyrkúıekte Taraz qalasyndaǵy Nazarbaev Zııatkerlik mektebinde «Sanaly urpaq – jarqyn bolashaq» taqyrybynda Bilim kúni atalyp ótti dep jazady Qamshy.kz aqparat agenttigi Tarazy.kzsaıtyna silteme jasap.

Qyzyqqa toly jazǵy maýsymnan soń oqýshylar jańa bilim men jańa jetistikter jylyna qaıta aıaq basty. Jaz boıy olar «Eki apta aýylda», «10 kún ata-ana jumysynda» mektep jobalaryna belsene qatysyp, aýyl ómirimen tanysyp, ata-analarynyń jumysy týraly kóptegen qyzyqty málimetter aldy.

О́tken oqý jylynyń qorytyndysy boıynsha úzdik jetistikteri úshin 10-synyp oqýshysy Álıhan Qalmahanbet AQSh-tyń Stenford ýnıversıtetinde jazǵy kýrsqa qatysyp qaıtty. Al «Azat» mektep shańyraǵy «Týǵan elge taǵzym» zertteý-ólketaný ekspedısııasy aıasynda eki apta Atyraý óńirinde boldy.

Osy jazda alǵash ret «Nazarbaev Zııatkerlik mektepteri» derbes bilim berý uıymy sheteldik qazaq dıasporasynyń balalary úshin «Uly dala urpaǵy» jazǵy mektebin uıymdastyrdy. Elordada Reseı, Iran, Mońǵolııa, Túrkimenstan, Tájikstan, О́zbekstan jáne Qyrǵyzstannan 150 oqýshy jınaldy. Jazǵy mektep aıasynda balalar Táýelsiz Qazaqstannyń jetistikterimen tanysty.

Aldaǵy oqý jyly da mańyzdy ári mazmundy oqıǵalarǵa toly bolmaq. О́ıtkeni, 2020 jyly Uly Otan Soǵysynyń aıaqtalǵanyna 75 jyl tolady. Oqýshylardy Uly Otan soǵysy batyrlarynyń mysalynda tárbıeleý patrıottyq tárbıe boıynsha jumystyń basty baǵyty bolýy tıis.

2020 jyl Qazaqstanda eriktiler jyly dep jarııalanǵanyn da atap ótý qajet. «Eriktilik – bul shynaıy patrıotızmniń beınesi, óıtkeni sizder óz eline qyzmet etýdiń ıgi ıdeıasyn, halqyńyz úshin jaqsy ári yńǵaıly jaǵdaı jasaýdy kózdeısiz», – dep atap ótti Qazaqstan Prezıdenti Qasym-Jomart Toqaev 20-21 mamyr aralyǵynda Qostanaıda ótken Reseı-Qazaqstan jastar yntymaqtastyǵy forýmynda. Sondaı-aq, 2020 jyly mektep barlyq qazaqstandyqtarmen birge uly jazýshy Abaı Qunanbaevtyń 175 jyldyq mereıtoıyn atap ótedi.

Bıylǵy oqý jylynda Taraz qalasyndaǵy Nazarbaev Zııatkerlik mektebiniń oqýshylary qataryna 140 «О́rken» bilim grantynyń ıegeri qabyldandy. Mektep dırektory Tımýr Nýrkeshov óz sózinde mektep qaýymyna jańa oqý jylynda jemisti eńbek etip, bıik belesterge jete berýlerine tilektestigin bildirdi.

Saltanatty jıyn aıaqtalǵannan keıin barlyq synyptarda «Sanaly urpaq-jarqyn bolashaq» taqyrybynda azamattylyq pen patrıotızmniń jalpy respýblıkalyq sabaqtary ótti.

2018-2019 oqý jylynda Tarazdyq Zııatkerlik mektebin 88 túlek aıaqtady. Nazarbaev Ýnıversıtetine 31 oqýshy tússe, 47 oqýshy otandyq basqa da bedeldi ýnıversıtetterdi tańdaǵan. 10 oqýshy Vengrııanyń, Sıngapýrdyń, Ispanııanyń, Reseı men Qyrǵyzstannyń JOO-na shaqyrtý alǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir