• USD 468.56

  • EUR 497.56

  • RUB 7.3

  • CNY 67.18

29 Naýryz, 04:09:02
Almaty
+35°

 

Aqtaý qalasynda alǵash ret «Jas kásipker» jobasynyń tyńdaýshylary «BASTA» alańynda bilikti kásipkerlermen kezdesti. Joba aty aıtyp turǵandaı, jastardy óz kásibin bastaýǵa shaqyratyn shara. «Basta» forýmynyń maqsaty - jas kásipkerlerge pikir almasýǵa, aldyńǵy býyn aǵa kásipkerlerdiń tájirıbesinen úlgi alatyn turaqty alań jasaý. Osyndaı shara oblystyń barlyq aýdandarynda apta saıyn ótetin bolady. Forýmnyń basty ereksheligi – tabysty adamdardy shaqyrý.
Úlken formattaǵy kezdesýde spıkerler jetistikke jetý qupııalaryn ashyp, ómirlik tájirıbelerimen bólisedi. Iri kásipkerler qazirgi dańǵyl jolyna ońaı jetpegen. Myń qulap, júz súrinip, tájirıbe jınaýdyń arqasynda jetkenin jasyrmaıdy. Sondaı spıkerdiń biri- «Domino home & horeca» dúkender jelisiniń ıesi Jalǵas Dáýletov. Onyń aıtýynsha, úlken alańdardy jalǵa alyp, dúkenshiler sanyn arttyryp, al satylym tómen bolǵan kezdi eske aldy. Shyǵyn kólemi paıdadan birneshe ese artyp ketip, tyǵyryqtan jol tapqan ádisterin aıtyp ótti. 1
«Biz kásip bastaǵanda bıznes-trenerlerdiń dárisi bolmaǵan. Aqylyn beretin tulǵalar da tabylmaıtyn. О́z qatelikterimizden sabaq alyp, quldyrap baryp, qaıta kóterilý joldaryn ózderimiz zerttep tapqanbyz. Endi kásibin bastaǵandardyń isi ońǵa basyp ketý úshin kómektesýdi jón kórdim. Kásipker aıaqtan tez tursa, eldiń damýyna da septigin tıgizedi»,- dep oıyn túıindedi Jalǵas Dáýletov.
«Jas kásipker» jobasy– jastardy oqytýdyń jańa baǵdarlamasy. Qatysýshylar óz kásibin tolyqtaı bastap ketýi úshin, olarǵa bir aı ishinde bıznestiń barlyq joldary tegin oqytylady. Osy joba aıasynda elimiz boıynsha 200 oqý synyptary ashyldy. Elimizdiń túpkir-túpkirinde jastar men kóp balaly otbasylar bıznes negizderine oqyp jatyr.
«Jas kásipker» jobasy aıasynda jastardy oqytý, qarjylandyrý jáne súıemeldeý syndy barlyq qoldaý tetikteri eskerildi. Bıyl elimizde keminde 20 myń adam oqyp, joq degende 5 myńy kásibin ashyp, ári qaraı aıaqqa turýyna barlyq jaǵdaı jasalady. Mıkrokredıt, granttar qarastyrylady. Mańǵystaý oblysynynyń ózinde 600 jas kásipkerlik bilimderin shyńdaıdy. Sonymen qatar «Bastaý» jobasy boıynsha jyl basynan 525 jumyssyz bilim alyp, sonyń ishinen 68-i óz isin ashyp, jumystaryn dóńgeletip otyr. 2017-2019 jyldary bizdiń oblysta «Bastaý» boıynsha 2437 adam oqydy. Osy jobalardyń zańdy jalǵasy retinde «Basta» forýmyn bastadyq»,- deıdi forým moderatory, Mańǵystaý oblysy kásipkerler palatasy dırektorynyń orynbasary Nurlybek Jarylǵapov.
Kezdesýge kelgen jastar tabysty bıznesmenderge tolǵandyrǵan suraqtaryn qoıyp, tushymdy jaýaptaryn tyńdady. Forýmnyń tıimdiligin alǵa tartqan olar osynsha motıvasııa alyp, jańa ıdeıalarmen sýsyndaǵanyn aıtyp uıymdastyrýshylarǵa alǵys bildirdi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir