• USD 468.56

  • EUR 497.56

  • RUB 7.3

  • CNY 67.18

29 Naýryz, 15:25:46
Almaty
+35°

Mańǵystaý oblysynyń Qaraqııa aýdanyna qarasty Senek aýylynda halyq ıgiligine qos nysan berildi. Biri turǵyndardy aýyz sýmen qamtamasyz etetin sý rezervýary bolsa, ekinshisi aýylda alǵash ret sport mektebi ashyldy. 1
Memlekettik qarjy esebinen salynǵan rezervýarlar men sý sorǵylaý stansııasynyń qurylysy ótken jyly tamyz aıynda bastalǵan bolatyn. Ǵımarat sorǵy, operator bólmesi, turmystyq jáne sanıtarlyq oryndardan turady. Eki rezervýardyń árqaısysynyń kólemi 500 tekshe metrdi quraıdy.
- Biz aýyl turǵyndaryn aýyz sýymen tórt táýlik boıyna úzilissiz qamtamasyz ete alamyz. Sý sorǵylaý stansııasynda 4 sorǵy ornalasqan, árqaısysy saǵatyna 37 tekshe metr sý aıdaýǵa daıyn. Sý tasıtyn 3 tehnıka bar, sondaı-aq, 12 adamdy jumyspen qamtamasyz etip otyrmyz, - dep atap ótti «AY-Service LTD» JShS merdiger mekemesiniń dırektory Álip Elýbaev. 1
Al jańadan boı kótergen sport ǵımaratynda jastar shaǵyn fýtbol, voleıbol, basketbol jáne jekpe jek túrlerimen aınalysatyn bolady.
Mańǵystaý oblysynyń ákimi Serikbaı Trumov turǵyndardy mereke qarsańyndaǵy qos qýanyshtarymen quttyqtap, aýyldyń sportsúıer jetkinshekteriniń armanyn oryndaýǵa muryndyq bolǵan «Nord Kaspıan Opereıtıng Kompanııasyna» óziniń alǵysyn jetkizdi.
- Búgingi ashylyp otyrǵan nysan mereke qarsańynda aýyl turǵyndaryna úlken tartý bolyp otyr. Bul sport ǵımaraty – qaımaǵy buzylmaǵan, salty men dástúrin saqtaı bilgen, ulttyq tárbıemen sýsyndaǵan aýyl jastarynyń armanyna qanat bitirip, elimizdiń abyroıyn asqaqtatar sportshylar tárbıeleýde mol septigin tıgizip, halyq ıgiligine qyzmet etedi dep oılaımyn. Meniń bilýimshe buqaralyq sport túrinen osy aýyldyń jastary da bıik belesterdi baǵyndyryp, jarystarda júldeli eken. Aldaǵy ýaqytta osy mektepten jattyqqan jasóspirimder arasynan da bolashaq chempıondar shyǵatynyna senimdimin, - dedi aımaq basshysy. 1

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir