• USD 378.65
  • EUR 430.07
  • RUB 6
  • CNY 55.1
18 Qyrkúıek, 11:57:05
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

30 Tamyz, 2019 NEWS

Atyraýda Konstıtýsııa kúnine oraı saltanatty jıyn ótti

QR Konstıtýsııa kúnine oraı Jastar mádenıet saraıynda oblys ákimi Nurlan Noǵaevtyń qatysýymen saltanatty shara ótti, – dep habarlaıdy Atyraý oblysynyń О́ńirlik kommýnıkasııalar qyzmeti.

Jıynda aımaq basshysy quttyqtaý lebizin bildirip, óńirde atqarylyp jatqan aýqymdy ister týraly aıtty. Sonymen qatar, el damýyna úles qosyp, aıanbaı eńbek etip júrgen azamattarǵa ystyq yqylas tanytyp, alǵys hattar men merekelik tósbelgilerin tabystady.

–  Ardaqty aǵaıyn, barshańyzdy 30 tamyz – elimizdiń ulyq merekesi Konstıtýsııa kúnimen shyn júrekten quttyqtaımyn! Uly dalanyń jazylmaǵan zańdarymen birge Maıqy bı, Tóle bı, Qazybek bılerdiń qara qyldy qaq jarǵan sheshimderimen birge Esim hannyń eski joly, Qasym hannyń qasqa joly, Áz Táýkeniń jeti jarǵysy san ǵasyrlar boıy uly dalany mekendegen halqymyz úshin shamshyraq ispettes bolyp, el arasyndaǵy turaqtylyq pen damýdyń kepili boldy. 1995 jyly qabyldanǵan qazirgi qoldanystaǵy Konstıtýsııamyz bul – zańnamalyq norma nemese erejeler jınaǵy ǵana emes qoǵamdaǵy barlyq qarym-qatynastardy retteıtin zańdardan bastaý alatyn Ata Zańymyz! Búginde Konstıtýsııamyzǵa súıene otyryp, eldiń damýy úshin aıanbaı ter tógip júrgen azamattarymyz az emes, – dedi Atyraý oblysynyń ákimi Nurlan Noǵaev.

Aıta keteıik, merekelik shara N.Jantórın atyndaǵy oblystyq fılormonııanyń "Naryn" orkestri men tanymal talant ıeleriniń konsertine ulasty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir