• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:12:31
Qazaqstanda másele sheshilý úshin aldymen adam ólý kerek

30 Tamyz, 2019 Aıtty-eı, baýyryń!

Bıznes bastaımyn deseńiz...

Kez kelgen ýaqytta jumyssyz ne aqshasyz, bıznessiz qalǵanda, kún kórip ketetin qolyńda óneriń, boıyńda qasıetiń, basyńda bilimiń bolǵany durys.

Jalpy adamnyń bıznestegi damý evolıýsııasy bylaı bolý kerek dep oılaımyn. 15-25 jas aralyǵynda adam bolý, 25-30 jasta bir salanyń mamany bolý, 30-dan ary qaraı bıznes jasaý. Bizde kóp adamdar, sonyń ishinde ózim de bıznesti adam jáne maman bolmaı turyp, bastaıdy ekenbiz.

Qazir 25-30 jastaǵy bıznes jasaımyn dep júrgen adamnan boıyńda qandaı daǵdy (skills, navykı) bar deseń, naqty jaýap bere almaıdy. О́ıtkeni ol bir salanyń mamany bolyp qalyptastaı turyp, bıznestıptes birdeńeni bastaǵan. Realnyı bızneske aqsha salý kerek. Al maman bir nárse jasap, aqsha taýyp júrse, artyq aqshasyn bızneske salady. Ne bolmasa, bıznesi aıaqqa turǵansha, 1-2 daǵdysymen parallelno aqsha taýyp, bıznesin jalǵastyra beredi.

O bastaǵy áńgimege oralsaq, 25 jasqa deıin adamdarmen durys qarym-qatynas jasaý, sóılesý, jazý, oıdy júıeleý, keshirim suraý, raqmet aıtý, kishireıe bilý, úlkendi syılaý, kishige izet kórsetý t.b. adamı qasıetterdi damytý kerek. Odan keıin 1-2 salaǵa mamandanyp, kemi 3 aqsha ákeletin daǵdysy bolýy kerek. Kez kelgen ýaqytta jumyssyz ne aqshasyz, bıznessiz qalǵanda, kún kórip ketetin qolyńda óneriń, boıyńda qasıetiń, basyńda bilimiń bolǵany durys. Osy ekeýinen keıin bıznesti bastaý jeńil ári qyzyqty, eń bastysy halyqqa paıdaly bolady.

Bıznes – ol qundylyqtar jıyntyǵy. 1000 teńgelik quny bar qyzmet nemese ónimge, 5-10 ese kóp qundylyq bere alsańyz, siz keremet kásipker bolyp qalyptasasyz. Sonda siz aqshanyń izinen emes, aqsha sizdiń izińizden júgiredi. Siz klıentke emes, klıent sizge kóbirek habarlasady. О́z basym birinshi adamı qasıetten buryn maman bolyp, keıin kásipke keldim. Endi adam bola bastap, maman retinde de ózimdi damytyp jatyrmyn. Bıznesti áli bastamadyq. Bastaǵan kezde aıta jatarmyn... Ázirge tek maman retinde óz qyzmetimdi usynýshymyn...

Nurlan Janaı

Feısbýk paraqshasynan 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir