• USD 378.65
  • EUR 430.07
  • RUB 6
  • CNY 55.1
20 Qyrkúıek, 08:12:44
Latyn álipbıine kóshý máseleleri semınar-keńeste sóz boldy

30 Tamyz, 2019 NEWS

Isataı-Mahambet alańy saltanatty túrde ashyldy

Ashylý saltanatyna 10 myńǵa jýyq atyraýlyq jınaldy.

Atyraýda qaıta jańǵyrtylǵan Isataı-Mahambet alańy saltanatty túrde ashyldy, – dep habarlaıdy Atyraý oblysynyń О́ńirlik kommýnıkasııalar qyzmeti.

Alańnyń 50 myń sharshy metri túbegeıli jańartylǵan. Atap aıtsaq, jańa granıt taqtaıshasynyń ústine sýburqaq júıesimen jabdyqtalǵan birneshe sáýlet kompozısııasy ornatyldy. Sonymen qatar, alańnyń orta tusyndaǵy sýburqaqpen jabdyqtalǵan kópburyshty basseıin irgetasynyń ortasyna ornatylǵan mármár dombyra da erekshe kózge túsedi. Bıiktigi úsh metrge jýyqtaıtyn bul dombyra Mahambet babamyzdyń shyǵarmashylyǵyna taǵzym retinde qoıylǵan eken. Al, mundaǵy tynyǵýǵa arnalǵan sándik shatyrlar ulttyq naqyshta árlengen. Budan bólek, barlyq aǵashtar men gúlzarlar qaıta egilip, olardy avtomatty túrde sýarý qurylǵylary júrgizilgen. Alań aýmaǵy túgeldeı jaryqdıodty jaryqshamdarmen jáne energııa únemdeýish lampalarmen jaryqtandyrylǵan. Bastysy – Isataı men Mahambet eskertkishteri tolyqtaı túzetildi.

Turǵyndardyń aıtýynsha, alań jańa keıipte kópshilikke unap jatyr.

– О́te qýanyshtymyz! Bul kúndi kópten kútip, búgin otbasymyzben birge keldik. Ásirese mundaǵy ár túrli sýburqaqtar qýantty. Biri áýendi endi biri ystyq kúni qońyr salqyn beredi. Alań jańarǵan, – dedi atyraýlyq turǵyn Nurlan Álimbaı.

Aıta keteıik, alańnyń ashylýyna 10 myńǵa jýyq atyraýlyq jınaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir