Atyraý oblysynda 71 memqyzmetshi joǵary laýazymǵa taǵaıyndaldy

Atyraý oblysynda birinshi jartyjyldyqta jergilikti atqarýshy organdardyń memlekettik qyzmetshileriniń 67,6 paıyzy merıtokratııa qaǵıdatyn saqtaı otyryp, joǵary laýazymdarǵa taǵaıyndaldy, – dep habarlaıdy О́ńirlik kommýnıkasııalar qyzmeti.

Aımaqta memlekettik qyzmetshilerdiń sany kún saıyn artyp keledi, sonyń ishinde jastardyń da úlesi zor. Statıstıkalyq málimetterge súıensek, oblysta 29 jasqa deıingi 421 memlekettik qyzmetshi jumys jasaıdy eken.

– Búgingi tańda kásibı tájirıbesi bar árbir memlekettik qyzmetshi ishki konkýrstar ınstıtýtynyń arqasynda óziniń memlekettik organynda ǵana emes, sonymen qatar, respýblıka boıynsha kez kelgen basqa jolmen mansabyn joǵarylatý múmkindigine ıe. О́zińizdiń jumysyńyzdyń qyr-syryn bilý, óz mindetterińizdi sapaly oryndaý, úzdiksiz bilim alý jáne ózin-ózi damytý – bul kásibı jáne mansaptyq ósý úshin jaqsy tramplın, – deıdi QR Memlekettik qyzmet isteri agenttiginiń Atyraý oblysy boıynsha Departament basshysy Rasýl Medetov.

Aıta keteıik, qazirgi ýaqytta Atyraý oblysynda 3029 memlekettik qyzmetshi bar. Onyń 1559-y jergilikti atqarýshy organdarda jumys jasaıdy.