• USD 378.65
  • EUR 430.07
  • RUB 6
  • CNY 55.1
17 Qyrkúıek, 03:14:34
Qazaqstanda másele sheshilý úshin aldymen adam ólý kerek

30 Tamyz, 2019 Saıasat

Toqaev qazaqstandyqtardy Konstıtýsııa kúnimen quttyqtady

Toqaev quttyqtaýynda "Qazaqstan Konstıtýsııasy halqyqtyń birligi men memleket táýelsizdiginiń berik negizi" sanalatynyn aıtqan.

Qazaqstan prezıdenti Qasym-Jomart Toqaev el halqyn Konstıtýsııa kúnimen quttyqtady dep jazady Qamshy.kz aqparat agenttigi. Quttyqtaý mátini Aqorda saıtynda jarııalandy. 

Toqaev quttyqtaýynda "Qazaqstan Konstıtýsııasy halqyqtyń birligi men memleket táýelsizdiginiń berik negizi" sanalatynyn aıtqan.

"Barshańyzdy Qazaqstan Respýblıkasynyń Konstıtýsııasy kúnimen quttyqtaımyn! Halqymyzdyń zań ústemdigine, adamdardyń negizgi quqyqtary men bostandyqtaryn qamtamasyz etýge umtylysy tól tarıhymyzda aıqyn kórinis tapqan. Ozyq álemdik tájirıbeni, tarıhı jáne ulttyq dástúrlerdi arqaý etken Qazaqstan Konstıtýsııasy halqymyzdyń birligi men memleket táýelsizdiginiń berik negizi sanalady.

Kelesi jyly Ata zańymyzdyń 25 jyldyǵyn atap ótemiz. Osy kezeń ishinde elimizdiń basty zańy jasampazdyq pen ilgerileýdiń kepiline aınaldy. Qazaqstan tutas quqyqtyq jáne áleýmettik-ekonomıkalyq júıeni qalyptastyryp, jan-jaqty jańǵyrý jolyna tústi. Tuńǵysh prezıdentimiz – Elbasy Nursultan Ábishuly Nazarbaev usynǵan Ult jospary men ınstıtýsıonaldyq reformalar sonyń negizin quraıdy.

Bizdiń maqsatymyz – ekonomıkanyń sapaly ósimin jáne halyqtyń áleýmettik suranystaryn qamtamasyz etip, turmys deńgeıin arttyrý, sondaı-aq memlekettiń saıası júıesin jetildirý. Ata zań azamattarymyzdyń múddesine qyzmet etip, elimizdi odan ári damytýǵa septigin tıgize beredi.

Barlyq qazaqstandyqtarǵa zor densaýlyq, baq-bereke jáne tolaǵaı tabys tileımin!", - delingen Toqaevtyń quttyqtaýynda. 

Qazaqstan Respýblıkasynyń qazirgi Konstıtýsııasy 1995 jyly 30 tamyz kúni jalpyhalyqtyq referendým negizinde qabyldandy jáne 5 qyrkúıek kúni óz kúshine endi. Konstıtýsııa 9 taraýdan, 98 baptan turady. Bul - táýelsiz Qazaqstannyń qabyldaǵan ekinshi konstıtýsııasy. Aldyńǵy konstıtýsııa 1993 jyly qabyldanǵan bolatyn.

Qazirgi Konstıtýsııaǵa qabyldanǵan sátten bastap birneshe márte ózgertýler men jańartýlar boldy. Sońǵy ret 2019 jyldyń 23 naýryzynda halyqtyń qarsy bolýyna qaramastan, Qazaqstannyń sol kezdegi ýaqytsha prezıdenti Toqaevtyń el astanasyn Nur-Sultan dep ózgertý týraly bergen buıryǵy parlamentte maquldanyp, Konstıtýsııaǵa engizildi. 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir