Abaev: Elbasyna sıyrdyń ne ekenin, onyń qansha sút beretinin túsindirýdiń qajeti joq (vıdeo)

Qazaqstannnyń Aqparat jáne qoǵamdyq damý mınıstri Dáýren Abaev bir apta boıy jelide qyzý talqylanǵan "eki sıyrǵa" qatysty pikir bildirdi dep jazady Qamshy.kz aqparat agenttigi. Bul týraly Abaev "Habar" arnasyndaǵy "Ashyq dıalog" baǵdarlamasyna bergen suhbatynda aıtty.

Abaevtyń aıtýynsha, "mıkro kredıt al, eki sıyr satyp alyp, óz kúnińdi óziń kór" dep aıtqan Qazaqstannyń eks-prezıdenti Nursultan Nazarbaevqa "sıyr degenniń ne ekenin, onyń qansha sút beretinin túsindirýdiń qajet joq".

"Ashyq aıtqanda, men osy  másele aınalasyndaǵy daý-damaıdy túsinbeımin. Eger Elbasy "Eńbek etpeı sýdan balyq ta shyǵara almaısyń" degen maqaldy aıtsa, ne bolar edi? Blogerler áleýmettik jelini qarmaq pen qurttyń sýretine toltyryp jiberer me edi? "Eki sıyr" bul jerde aqparatty jeńil qabyldaný úshin keltirgen mysal ekeni aıqyn ǵoı. Bireý úshin eki sıyr degen aýlasyndaǵy baý-baqsha, bireý úshin kólik jýatyn kásiporyn, jol boıyndaǵy dámhana. Bireý úshin iskerlik, bireý úshin  azyq-túlik dúńgirshegi.  Al  eki sıyrdan quralǵan sharýashylyqtardyń ómirlik qabiletin bar zeıinimen eseptep jatqan sarapshylardyń esine tuńǵysh prezıdenttiń ózi aýyldan shyqqanyn salǵym keledi. Ol bala kúninen soǵystan keıin aýyr jyldarda ata-anasyna sharýashylyq júrgizýge kómektesti. Oǵan sıyr degenniń ne ekenin, onyń qansha sút beretinin túsindirýdiń qajet joq", – dedi mınıstr.

Abaev sondaı-aq, Nazarbaevtyń halyqty "óz isin ashyp, jumys isteýge shaqyrǵanyn" aıtty. 

"О́zińniń áreketsizdigińdi nashar sheneýnikter men nashar memleketke, nashar áleýmettik saıasatqa jabý árqashan ońaı. Jaǵdaıdy óz qolyńa alyp, jumys isteý áldeqaıda qıyn. Qarasańyz, ol úshin ákimdik tarapynan da, mınıstrlikter tarapynan da, "Atameken" men "Damý" qory boıynsha da shaǵyn nesıelendirý jáne shaǵyn bıznesti qoldaý jóninen qazir barlyq jaǵdaı jasalǵan. Qorytyp aıtqanda, Elbasy adamdardy óz isin ashyp, jumys isteýge shaqyrdy. Eń mańyzdysy osy. Qalǵanynyń bári jelidegi qoqys qana", – dedi Abaev.

21 tamyzda Qazaqstandy 30 jyldaı úzdiksiz bılegen Nursultan Nazarbaev óziniń atymen atalatyn el astanasy Nur-Sultanda bıliktegi "Nur-Otan" partııasynyń saıası keńesiniń keńeıtilgen otyrysynda bılikten kómek suraǵan otbasylarǵa "Mıkrokredıt al da, eki sıyr satyp al. О́zińdi asyra" dep aıtqan bolatyn. Nazarbaevtyń bul sózi jelide qyzý talqylanyp, kóptegen jeli qoldanýshylary "kelekege" aınaldyrdy. 

2016 jyldan bastap Aqparat jáne qoǵamdyq damý mınıstrilgin basqaryp kele jatqan Dáýren Abaev Nazarbaevtyń jelide qyzý talqylanyp, halyqtyń narazylyǵyn týǵyzǵan sózderin túsindirip júredi. 

26 tamyzda jýrnalısterge suhbat bergen Qazaqstannyń áleýmettik salaǵa jaýapty vıse-premeri Berdibek Saparbaev "Ol úshin malǵa erekshe kútim jasap, talmaı eńbektený kerek" dep Na zarbaev aıtqandaı eki sıyrmen qalaı kún kórýge bolatyn túsindirgen.