О́ıtkeni ol Prezıdenttiń balasy ǵoı...

Túrikmenstanda maqta jınaý naýqany bastaldy. Osydan birneshe apta buryn bastalǵan maqta teriminen qatysty Túrikmenstannyń úkimeti jıyn ótkizip, hokımderge talap qoıdy. Basty maqsat – tezirek kúzgi jaýynǵa qaldyrmaı aq altyndy jınap alý kerek. Biraq...

Basqa ólkelerge qaraǵanda, Prezıdent Gýrbangýly Berdimuhamedovtyń balasy basqaratyn ólkede maqta terimi birinshi bitýi tıis. Aıta ketsek, túrikmen prezıdentiniń  balasy Serdar Berdimuhamedov Ashhabadqa jaqyn jerdegi Ahal ýalaıatynda hokım bolyp qyzmet isteıdi.

Túrikmenniń Aýyl sharýashylyǵy mınıstri Magtymgýly Baıramdýrdyev maqta naýqanyn bitirgennen keıin astyq jınaýdy jedel bitirý kerektigin aıtty. Alaıda eń birinshi Prezıdenttiń balasy basshylyq etetin óńirde maqta tezirek jınalyp bitýi tıis. Sondyqtan ár aımaq otbasynan bir adamnan Ahal ýalaıatynyń egistik alqabyna bir adamnan jiberýi tıis. Eger atalǵan ýalaıatta maqta naýqanynyń merzimi sozylyp ketse, basqa aımaqtardan qosymsha kúsh ákelinedi. О́ıtken ol Prezıdenttiń balasy ǵoı, al oǵan sóz kelmeýi tıis.

Mine Berdimuhamedov basqaratyn dıktatorlyq elde osyndaı jumystar júıeli túrde júrgiziledi. Biraq oǵan eshkim mán bermeıdi. Tobyr halyqty bılegen dıktator qazir Túrikmenstanda bilgenin istep otyr. Shetelde oqyp júrgen stýdentter elge kelgen sátte olardy áýejaıdan ustap alyp, bárin áskerge jiberip jatyr.

Túrikmenstanda bir-aq adamnyń bıligi júredi. Qalǵany – sholaqbelsendiler...Tobyr halyqqa obyr - bastyq...