• USD 468.56

  • EUR 497.56

  • RUB 7.3

  • CNY 67.18

29 Naýryz, 08:40:59
Almaty
+35°

 

30 tamyz – QR Konstıtýsııasy kúnine oraı Taraz qalasyndaǵy 15 yqshamaýdanda kópqabatty turǵyn úı paıdalanýǵa berildi. Baspanaly bolý baqytyna kenelgen turǵyndardyń qýanyshymen bólisken oblys ákimi Asqar Myrzahmetov aqjarma tilegin bildirip, páter kiltterin óz qolymen tapsyrdy.


– Baspana – qaı ýaqytta da ózekti másele. Qala halqynyń sany ósýimen turǵyn úıge degen suranys kólemi de ulǵaıýda. Táýelsizdik jyldary elimizde Elbasynyń basshylyǵymen qazaqstandyqtardy turǵyn úımen qamtamasyz etý boıynsha úlken jumystar atqaryldy. Sonyń ishinde qalada jańadan soǵylyp jatqan 15 shaǵyn aýdan ornalasqan jer birneshe jyl buryn ashyq dala bolatyn, al qazir jańa turǵyn úıler boı kótergen shaǵyn aýdanǵa aınaldy.
Prezıdenttiń bes áleýmettik bastamasy boıynsha jarııalanǵan basty maqsattardyń biri – halyqty turǵyn úımen qamtamasyz etý. Osy maqsatta «Nurly jer» baǵdarlamasy aıasynda aǵymdaǵy jyly jalpy 17,6 mıllıard teńgege barlyǵy 30 kópqabatty (2 118 páterli) turǵyn úıdiń qurylysy júrgizilip, jyl sońyna deıin 28 kópqabatty (1988 páterli) turǵyn úılerdi paıdalanýǵa berý josparlanýda. Osynaý ońdy isterdiń barlyǵy áleýmettiń áleýetin áldi etetin aýqymdy sharalardyń jarqyn kórinisi, – degen Asqar Isabekuly kópshilikti QR Konstıtsııasy kúnimen quttyqtap, páter kiltterin tabys etti.


Saltanatty shara sońynda baspanaly bolǵan turǵyndar atynan Ásel Baltabekqyzy oblys basshylyǵyna alǵysyn jetkizdi.


Bul kúni barlyǵy 720 páter paıdalanýǵa berilse, onyń 200-ge jýyǵy baǵdarlama arqyly banktiń tıisti sheshimin alǵan. Iаǵnı 200 deı otbasy qonys toıyn toılaǵaly otyr. Qalǵany aldaǵy ýaqytta «Nurly jer», «7-20-25», «Baqytty otbasy» baǵdarlamalary arqyly beriletin bolady.


Aıta keteıik, jańa páterge ıe bolǵandardyń deni kópbalaly otbasylar men tolyq emes otbasylar. О́ńirdegi kópbalaly otbasylaryn turǵyn úımen qamtamasyz etý máselesin sheshý úshin aǵymdaǵy jyldyń birinshi jarty jyldyǵynda 120 kópbalaly otbasylaryna páter kilti tabystaldy. Onyń 93-i arendalyq úı, 27-i demeýshiler esebinen. Jyl sońyna deıin 493 kópbalaly otbasyn turǵyn úımen qamtamasyz etý josparlanýda.


Sondaı-aq, turǵyn úı kezegi kelgenge deıin kópbalaly otbasylardyń turǵyn úı máselesin ýaqytsha sheshý úshin 612 páterli 12 jataqhana qurylysyna tıisti qarajat qarastyrylyp, jyl sońyna deıin paıdalanýǵa beriledi dep kútilýde.

ymvR

 

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir