«Nur Otan» partııasy ShQO fılıalynda saıası keńestiń keńeıtilgen otyrysy ótti

Jıyn barysynda oblystyq partııanyń tóraǵasy, Shyǵys Qazaqstan oblysynyń ákimi Danıal Ahmetov baıandama jasady.

– Barshańyzǵa belgili, 21 tamyzda Qazaqstannyń Tuńǵysh Prezıdenti Nursultan Nazarbaevtyń tóraǵalyǵymen «NurOtan» partııasy Saıası keńesiniń keńeıtilgen otyrysy ótti. Onda Elbasy partııa jumysyn júıeli jańǵyrtýǵdv tapsyrdy. Bizge bastaýysh uıymdardyń jumysyn arttyryp, jemqorlyqpen kúresti kúsheıtip, barlyq deńgeıde partııalyq jaýapkershilikti arttyryp, halyqpen naqty jumys isteýdiń qaǵıdatyn engizip, aqparattyq-ıdeologııalyq baǵyttaǵy jumystardy jańa trendte qalyptastyryp, partııa tóńiregine jastardy biriktirý sharalaryn qabyldaý qajet, – dep atap ótti Danıal Ahmetov.

Keńeıtilgen otyrys barysynda aımaq basshysy «Nur Otan» partııasynyń kúndelikti jumysyn jandandyryp, Prezıdent Qasym-Jomart Toqaevtyń saılaýaldy baǵdarlamasynyń ýádelerin oryndaýǵa, halyqtyń naqty problemalaryn sheshý jolynda barynsha atsalysý kerektigin jetkizdi.

– Biz jastardy «Nur Otan» partııasynyń aınalasyna toptastyrýymyz qajet. Prezıdent elimizdiń jańa kelbetin qalyptastyrý úshin jastarǵa qajetti naqty mindetterdi aıqyndady. «Jas Otan» jas býyndy biriktiretin ortalyqqa aınalýy tıis. Partııanyń fılıalyna jastar resýrstyq ortalyqtaryndaǵy ıdeologııalyq qyzmetti baqylaý kerek. Sondaı-aq SMM bólimimen jumysty jaqsartyp, alǵa qoıǵan maqsattardy birlesip oryndaýdy tapsyramyn, – dedi Danıal Ahmetov.

Májilis barysynda oblys ákimi, partııanyń fılıaldary men aýdan, qala ákimderdi kadrlyq rezervti daıarlaý máselesine jete kóńil bólý qajettigin atap aıtty.

Budan bólek, aımaq basshysy partııanyń oblystyq fılıalyna JOO-daǵy kadr saıasatyn baqylaýda ustap, óńirimizdiń ımıdjine nuqsan keltirmes úshin ondaǵy zańsyzdyqtardy der kezinde sheshýdi júktedi.

– Elbasy qoıǵan mindetter búkil qoǵamǵa jáne árbir azamatqa zor jaýapkershilikter júkteıdi. Bizdiń oblystyq partııanyń aktıvi bul tapsyrmalardy abyroımen oryndaıdy dep senemin. Osy rette Sizderdi, aldaǵy isterge aıanbaı úles qosýǵa shaqyramyn, – dedi Danıal Ahmetov.