• USD 378.65
  • EUR 430.07
  • RUB 6
  • CNY 55.1
17 Qyrkúıek, 13:28:45
Qazaqstanda másele sheshilý úshin aldymen adam ólýi kerek

28 Tamyz, 2019 Barlyq aımaqtar

«Shalqar» radıosyna jańa basshy keldi

Ult úshin utymdy jumys isteıdi dep senemiz.

Jýrnalıst, fılosofııa ǵylymynyń kandıdaty Bolatbek Tólepbergen «Shalqar» radıosynyń dırektory bolyp taǵaıyndaldy.

Bolatbek Tólepbergen Kórpebaıuly  1974 jyly Jambyl oblysy Sarysý aýdany «Jaıylma» aýylynda dúnıege kelgen. 1991 jyly aýyldaǵy orta mektepti kúmis medalǵa bitirip, 1991-1996 jyldary Ál-Farabı atyndaǵy QazUÝ-dyń jýrnalıstıka fakýltetin tamamdaǵan.

Eńbek jolyn 1992-1994 jyldary «О́rken» jáne «Jas alash» gazetteriniń tilshisi bolyp bastaǵan. 1994-1996 jyldary «Qazaq ádebıeti» gazetiniń bólim meńgerýshisi,1996-1998 jyldary «Zerde» jýrnaly bas redaktorynyń orynbasary,1998-2000 jyldary «Jalyn» jýrnaly bas redaktorynyń orynbasary, 2000-2001 jyldary «Asar» jastar gazetin uıymdastyrýshy, bas redaktory, 2002-2005 jyldary «Jýrnalıst» gazetiniń redaktory boldy. 2010 jyly fılosofııa ǵylymdarynyń kandıdaty ǵylymı dárejesin qorǵaǵan.

Ulttyq máseleler, tarıhı aqtańdaqtar jáne demokratııa prınsıpteri týrasynda óz avtorlyǵymen jáne qurastyrýymen on bes kitapty jaryqqa shyǵarǵan. 2004 jyly «Kóshken kúnniń boıaýy» pýblısıstıkalyq kitaby, 2006 jyly «Biz bilmeıtin jeltoqsan» kitaby, 2006 jyly «Jeltoqsan-86» on tomdyq estelikter, qujattar, maqalalar jınaǵy" (qurastyrýshy avtory), 2007 jyly «1937-2007:Taýqymet pen taǵzym» jınaǵy, 2008 jyly «Máńgi jas Alash ıdeıasy» kitaby, 2009 jyly «Ultym dep soqqan júrekter» jınaǵy, 2010 jyly «Jeltoqsan qarlyǵashtary» kitaby, 2011 jyly «Ulttyq ıdeıa – táýelsizdik tuǵyry» kitaby, 2012 jyly «Qasıettim-Jeltoqsan!» jáne 2015 jyly «Biz osy ne bitirip júrmiz?» kitaptary jaryq kórdi.

Sondaı-aq 2008 jyly onyń jetekshiligimen eldegi oralman aǵaıyndar jaıly «Súıikti meniń otanym» atty derekti fılm kórermenge jol tartty.

Bolatbek Tólepbergen - Qazaqstan Jazýshylar Odaǵy men «Atamura» korporasııasynyń jazýshy Oralhan Bókeı atyndaǵy stıpendııasynyń tuńǵysh ıegeri (1993), «Soros-Qazaqstan» jas jazýshylar báıgesiniń júldegeri (1996), Qazaqstan Jastar Odaǵy syılyǵynyń laýreaty (2003), «Astananyń 10 jyldyǵy» merekelik medaliniń ıegeri (2008), Memlekettik «Daryn» jastar syılyǵynyń laýreaty (2008) jáne QR Mádenıet qaıratkeri (2009) jáne QR Prezıdentiniń jýrnalıstıka salasy boıynsha syılyǵynyń laýreaty (2011). Qazaqstan Jazýshylar Odaǵy men Jýrnalıster Odaǵynyń múshesi.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir