Úsh adamdy qasaqana qaqqan kúdiktilerdiń anasy qazaqstandyqtarǵa úndeý joldady (vıdeo)

Almatyda avtokólikpen úsh adamdy qasaqana qaqqan kúdiktilerdiń anasy Nazıra Álıkeeva halyqqa úndeý jasady dep jazady Qamshy.kz aqparat agenttigi. 

Álıkeevanyń aıtýynsha, onyń uldary sol oqıǵa bolǵan kúni týysqanynyń týǵan kúnin Almatydaǵy karaokelerdiń birinde toılatqan. 

"Internette qara Toyota Avensis úsh jigitti qaǵyp ketken oqıǵanyń vıdeosy paıda boldy. Biraq ol vıdeoda buǵan deıin ne bolǵany túsirilmegen. Shyn mánisinde oqıǵa bylaı bolǵan. 25-inde jıenimniń týǵan kúni bolǵan. Olar karaokege bardy. Ári qaraı ne bolǵanyn bilmeımin. Estýimshe, oqıǵa Gagarın – ál-Farabı qıylysynyń mańynda bolǵan. Úlken ulym Jandosqa (Qazir ony qamap, úsh bap boıynsha aıyptap otyr. 6-dan 7 jylǵa deıin bas bostandyǵynan aıyrýy múmkin) karaokeden shyqqan kezde shabýyl jasaǵan. Ádettegideı, kelise almaı qalypty. Shabýyldaǵan adamdar eresekter, meniń ulymnan áldeqaıda úlken. Qurmetti qazaqstandyqtar! Men 1995 jyly týǵan Jandos Álıkeev pen 1999 jyly týǵan Dinmuhamed Álıkeevtiń anasymyn. Ulym ishpeıdi. Kóp bolsa, eki krýjka ishetin bolar. Ony tóbelesqumar retinde kórsetip jatyr, biraq ondaıyn baıqamadym", – dedi Nazıra Álıkeeva Instagram jelisindegi paraqshasynda.

 

 

 

Posmotret etý pýblıkasııý v Instagram

 

 

Obrashenıe Kazakstansem

Pýblıkasııa ot Nazıra Alıkeeva (@alikeeva_n) 27 Avg 2019 v 2:24 PDT

26 tamyzda Almaty kóshesinde top adamdy avtokólikpen qasaqana qaqqan vıdeo paıda bolǵan. Vıdeoda aq tústi kólik jol ústinde turǵan birneshe adamnyń aldyna kelip toqtap, keıin shegingeni, al qara tústi kóliktiń úsh adamdy qaǵyp ótip, toqtamastan ketip qalǵany kórinedi.

Oqıǵa kezinde úsh adam zardap shekken. Bul iske baılanysty Almaty polısııasy jedel tergeý jumystaryn júrgizip, qylmystyq kodekstiń "Jol qozǵalysy erejesin buzý", "Jol-kólik oqıǵasy bolǵan jerden ketip qalý" jáne "Buzaqylyq" baptary boıynsha tergeý bastalǵanyn aıtqan.

27 tamyzda Qazaqstannyń ishki ister mınıstri Erlan Turǵymbaev osy qylmysqa qatysy bar kúdikti ustalǵanyn, al taǵy bir kúdikti áli de qashyp júrgenin aıtty.